सोशल मीडियावर व्हायरल झालेल्या या व्हिडीओमध्ये एक मोठा धिप्पाड असा बैल चक्क घराच्या छतावर जाऊन उभा राहिलाय.... होय, तुम्ही बरोबर वाचलं. बैल, तोही एवढा मोठा प्राणी, छतावर कसा काय गेला हा प्रश्न सर्वांना पडला आहे. पण त्यामागचं कारण ऐकल्यावर तुम्हीला नक्कीच हसू आवरणार नाही.
नेमकी घटना कुठली?
हा व्हिडीओ तेलंगणातील आदिलाबाद जिल्ह्यातल्या निराल गावाचा आहे. दोन वेगवेगळ्या टोकाला काढलेले हे व्हिडीओ सोशल मीडियावर जोरदार व्हायरल झालेत. व्हिडीओमध्ये बैल शांतपणे छतावर उभा असल्याचं दिसतं.
advertisement
बैल छतावर गेला तरी का?
खरं तर या बैलावर काही कुत्र्यांनी अचानक हल्ला केला होता. सुरुवातीला बैलानं प्रतिकार करण्याचा प्रयत्न केला, पण कुत्र्यांचा हल्ला इतका तीव्र होता की अखेर त्यानं पळ काढला. गावभर "बैल पुढे आणि कुत्रे मागे" असं अक्षरशः पकडा-पकडीचं नाट्य रंगलं. पळता पळता बैलाला एका घराजवळ दगडांचा आधार दिसला. जीव वाचवण्यासाठी त्यानं क्षणाचाही विलंब न लावता सरळ त्या घराच्या छतावर उडी मारली आणि तिथेच थांबून राहिला.
गावकऱ्यांची गंमत
गावकऱ्यांनी हे दृश्य मोबाईलमध्ये टिपलं आणि सोशल मीडियावर अपलोड केलं. पाहता पाहता हा व्हिडीओ जोरात व्हायरल झाला. कुत्र्यांपासून बचाव करण्यासाठी बैल छतावर चढतोय हे पाहून लोकांना हसूही आलं आणि आश्चर्यही वाटलं.
https://youtu.be/Bi5japRAu20?si=tcX3mRqf8SOknco8
खरंच बैल कुत्र्यांना घाबरतात का?
साधारणपणे कुत्र्यांना माणसं घाबरतात हे आपण ऐकतो, पण धिप्पाड बैलही कुत्र्यांच्या भुंकण्याने एवढा घाबरेल, हे खरंच अनोखं आहे. त्यामुळे हा व्हिडीओ सोशल मीडियावर खूप ट्रेंड होत आहे आणि लोक यावर भरभरुन कमेंट्स करत आहेत.