बाजारात सोन्या-चांदीची पाणीपुरी आली आहे, ज्याचा व्हिडिओ सोशल मीडियावर व्हायरल होतो आहे. सोन्याचा आणि चांदीचा मुलामा असलेली ही पाणीपुरी, ज्यात सुका मेवा आणि थंडाई टाकली आहे. नंतर ती सोन्याच्या थाळीत सर्व्ह केली आहे.
गुजरातमधील अहमदाबादच्या स्ट्रीट फूड विक्रेत्याने तयार केलेली ही पाणीपुरीची नवीन आवृत्ती अलीकडेच एका फूड ब्लॉगरने त्याचा व्हिडिओ सोशल मीडियावर शेअर केला आहे, जो व्हायरल होत आहे.
advertisement
कशी बनवली सोन्याचांदीची पाणीपुरी?
फूड ब्लॉगर्स खुशबू परमार आणि मनन यांनी त्यांच्या इन्स्टाग्राम अकाउंटवर हा व्हिडिओ शेअर केला आहे. पाणीपुरी विक्रेते अतिशय अनोख्या स्टाईलमध्ये ती सर्व्ह करत असल्याचे व्हिडिओमध्ये दिसत आहे. पुरी चिरलेली बदाम, काजू आणि पिस्त्यांनी भरली जाते, त्यानंतर त्यात भरपूर मध टाकला जातो. नंतर ती सहा लहान ग्लासेसमध्ये थंडाईबरोबर सर्व्ह केली जाते, प्रत्येक पुरी काळजीपूर्वक सोने आणि चांदीच्या फॉइलने झाकलेली असते.
सोन्याचांदीची पाणीपुरी पाहून लोक म्हणाले...
हा व्हिडीओ व्हायरल होत असून त्यावर संमिश्र प्रतिक्रिया येत आहेत. काहीजण याला अनोखी कल्पना म्हणत आहेत, तर काहीजण राग व्यक्त करत आहेत. एका यूजरनं लिहिलं आहे की, पाणीपुरीला पाणीपुरीच राहू द्या, तिला महालांची राणी बनवू नका. दुसऱ्याने लिहिले, त्याला बप्पी लाहिरी पाणीपुरी म्हणतात. तिसऱ्या यूजरने लिहिले, मी हे फुकटही खाऊ शकत नाही.
तुम्हाला ही पाणीपुरी कशी वाटली ती खाण्याची तयारी तुमची आहे का? आम्हाला आमच्या सोशल मीडियाच्या कमेंट बॉक्समधे नक्की सांगा.