सप्टेंबर 1945 ची ही घटना. अमेरिकेच्या कोलोरॅडोमधील एका शेतात जिथं लॉयड ओल्सन आणि त्यांची पत्नी क्लारा कोंबडी कत्तल करणारे म्हणून काम करायचे. त्यांनी अनेक कोंबड्या कापल्या, पण त्यापैकी एक जिवंत राहिली. त्याचं डोकं कापलं गेलं तरी तो चालत राहिला. हे दृश्य पाहून ओल्सन कुटुंबाला धक्का बसला.
या माशाने जिंकला 'फिश ऑफ द इयर'चा पुरस्कार; जगातील सर्वात 'कुरुप मासा' म्हणून होती ओळख!
advertisement
ओल्सन माईकची काळजी घेऊ लागला. त्याला नळीतून पाणी आणि अन्न द्यायचा. माईकच्या श्वासनलिकेमध्ये साचलेला श्लेष्मा काढण्यासाठी सीरिंजचा वापरही करण्यात आला.
माइक प्रसिद्ध झाला
जेव्हा आजूबाजूच्या लोकांना माईकच्या चमत्काराबद्दल कळलं तेव्हा ही बातमी वर्तमानपत्रांमध्ये प्रसिद्ध होऊ लागली. लवकरच माइक एक सेलिब्रिटी बनला आणि त्याला अमेरिकेतील अनेक शहरांमध्ये नेण्यात आलं. एवढंच नाही तर माइकला पाहण्यासाठी लोक दूरदूरून येऊ लागले. तो अमेरिकेतील वेगवेगळ्या शहरांमध्ये फिरत राहिला आणि बातम्यांमध्ये हेडलाइन बनत राहिला. या अनोख्या कोंबड्यामुळे ओल्सन कुटुंबाने खूप पैसे कमावले आणि त्यांचे जीवन सुधारले.
एप्रिल 1947 मध्ये एका रात्री माइक अ‍ॅरिझोनाच्या फिनिक्स इथं दौऱ्यावर असताना त्याला श्वास घेण्यास त्रास होऊ लागला. ओल्सन कुटुंबाने लगेच सीरिंज शोधण्याचा प्रयत्न केला, पण दुर्दैवाने त्यांच्याकडे ती नव्हती. परिणामी कफ जमा झाल्यामुळे माइकचा गुदमरून मृत्यू झाला. ओल्सनने हे अनेक वर्षे गुप्त ठेवलं आणि लोकांना सांगितलं की त्याने माइक दुसऱ्याला विकला आहे. पण नंतर सत्य बाहेर आलं.
Animal facts : कुत्र्याची शेपटी वाकडी का असते?
माइकच्या स्मरणार्थ दरवर्षी कोलोरॅडोमधील फ्रुइटा शहरात 'माइक द हेडलेस चिकन फेस्टिव्हल' साजरा केला जातो. या महोत्सवात 5 किलोमीटर धावण्याची शर्यत, संगीत, खेळ आणि हेडलेस चिकन-थीम असलेले कार्यक्रम समाविष्ट आहेत. त्याची कहाणी एका चित्रपटातही दाखवण्यात आली आहे.
डोक्याशिवाय कसा जिवंत राहिला माइक?
शास्त्रज्ञांच्या मते कोंबडीचा मेंदू मागच्या बाजूला असतो. जेव्हा ओल्सनने माईकचं डोकं कापलं तेव्हा त्याच्या मेंदूचा आणि घशाचा काही भाग तसाच राहिला, ज्यामुळे तो जिवंत राहू शकला. सुदैवाने रक्तप्रवाहही लवकर थांबला, त्यामुळे जास्त रक्तस्त्रावामुळे त्याचा मृत्यू झाला नाही.