उत्तर प्रदेशच्या महाराजगंज जिल्ह्यातील बैथवालिया इथली ही घटना. मिळालेल्या माहितीनुसार, गावातील एक व्यक्ती पैसे कमावण्यासाठी बाहेर जात असताना त्याची ट्रेन चुकली. त्याने पुन्हा घरी जायचं ठरवलं. पण आपण घरी येत आहोत याबाबत त्यानं आपल्या पत्नीला कळवलं नव्हतं. जसा तो घरी पोहोचला आणि त्याने घराचा दरवाजा उघडला तेव्हा त्याला मोठा धक्का बसला.
advertisement
रेल्वेचं तिकीट असलं तरी सावधान! प्रवासात एक चूक तुम्हाला पडेल महागात, होऊ शकते अटक
व्यक्तीच्या घरात काय होतं?
दरवाजा उघडताच त्याला त्याची पत्नी परपुरुषासोबत दिसली. ती तिच्या वृद्ध प्रियकरासह आक्षेपार्ह अवस्थेत होती. विठ्ठल साहनी त्याच गावात राहत होता. व्यक्तीच्या पत्नीचे याच्याशी अनैतिक संबंध होते. पती बाहेर कमावत असल्याची माहिती मिळताच विठ्ठल तिला भेटण्यासाठी प्रेयसीच्या घरी पोहोचला.
प्रियकर आणि पत्नीला रॉडने मारहाण
महाराजगंज. महाराजगंज जिल्ह्यातील निचलौल पोलीस स्टेशन हद्दीतील बैथवालिया येथे रविवारी रात्री एका व्यक्तीने प्रेमप्रकरणादरम्यान पत्नीच्या प्रियकराला बेदम मारहाण केली. पत्नी रक्ताने माखलेली होती. पोलिसांनी जखमी महिलेला रुग्णालयात दाखल केले आहे. माहिती मिळताच पोलीस अधीक्षक सोमेंद्र मीणा यांनीही सोमवारी सकाळी घटनास्थळ गाठून पोलिसांना कारवाईसाठी आवश्यक निर्देश दिले.
हुश्श! ट्रेन पकडली; धावत धावत ट्रेनमध्ये चढला, पण आत जाताच प्रवाशाला मोठा धक्का
पत्नी आणि तिच्या प्रियकराला आक्षेपार्ह अवस्थेत पाहून नवरा संतापला. त्याने रागाच्या भरात त्याने दोघांवर रॉडने वार केले. यात प्रियकराचा जागीच मृत्यू झाला आहे, विठ्ठल साहनी असं त्याचं नाव. तर तर पत्नी रक्ताच्या थारोळ्यात पडली होती. रविवारी रात्री उशिरा घडलेल्या या घटनेनंतर पोलिसांनी घटनास्थळ गाठून जखमी महिलेला रुग्णालयात दाखल केलं. दरम्यान आरोपी पती फरार आहे. त्याला पकडण्यासाठी पोलिसांचं पथक तैनात करण्यात आलं आहे.