हुश्श! ट्रेन पकडली; धावत धावत ट्रेनमध्ये चढला, पण आत जाताच प्रवाशाला मोठा धक्का

ईशान्य रेल्वेच्या मुख्य जनसंपर्क अधिकारी सरस्वती चंद्र यांच्या मते, प्रवासादरम्यान महिलांची सुरक्षा ही भारतीय रेल्वेच्या प्राथमिकतांपैकी एक आहे. या क्रमवारीत रेल्वेकडून ऑपरेशन 'महिला सुरक्षा' मोहीम चालवली जाते. याअंतर्गत महिला डब्यातून प्रवास करणाऱ्या पुरुष प्रवाशांवर अटकाव मोहीम राबवली जात आहे. 1 मे ते 15 मे 2024 या कालावधीत ऑपरेशन 'महिला सुरक्षा' अंतर्गत मोहीम राबवण्यात आली.

पूर्व मध्य रेल्वेच्या विविध विभागांवर महिला डब्यातून प्रवास करणाऱ्या एकूण 615 पुरुष प्रवाशांना रेल्वे संरक्षण दलाच्या पथकानं रेल्वे कायद्याच्या कलम 162 अंतर्गत ताब्यात घेतलं. यामध्ये दानापूर विभागात सर्वाधिक 355, पं. दीनदयाल उपाध्याय विभागात 151, सोनपूर विभागात 56 आणि समस्तीपूर विभागात 53 पुरुष प्रवाशांना ताब्यात घेऊन दंडात्मक कारवाई करण्यात आली.

तपासादरम्यान सर्व प्रवासी वेगवेगळे तर्कवितर्क देत राहिले, काहींनी ट्रेन सुरू असल्याने डब्याकडे लक्ष दिलं नाही, तर काहींनी डब्याच्या बाहेर वाचता येत नसल्याचं सांगितलं. अशाप्रकारे प्रवासी टीटीकडे विनवणी करत राहिले, मात्र टीटीने काहीही न ऐकता त्यांना ताब्यात घेतलं.