वेलचीचा वापर आपण गोड पदार्थ, चहामध्ये करतो. याचा सुगंध येतो आणि त्यामुळे चवही छान लागते. पण वेलची वापरण्याआधी ती गॅसवर ठेवा असा सल्ला एका महिलेनं दिला आहे. वेलची गॅसवर ठेवण्याचा हा जुगाड तिनं दाखवला आहे. महिलेने व्हिडीओत दाखवल्यानुसार गॅसवर जेवण बनवताना गॅस स्टोव्ह गरम असतो. त्यावेळी तिथं ही वेलची ठेवून द्या. काही वेळाने गॅसवरील वेलची बाजूला काढा.
advertisement
Kitchen Jugaad Video : गॅसवर शॅम्पू टाकताच जणू जादूच झाली, गॅस लवकर संपणारच नाही
गॅसवर वेलची ठेवण्याचा फायदा काय?
याचा फायदा काय, असा प्रश्नही तुम्हाला पडला असेल. तुम्ही पाहिलं असेल वेलची आणल्यानंतर ती फ्रेश असते, त्याचे दाणे कुरकुरीत असतात. पण काही दिवस ती तशीच ठेवली तर ती नरम पडते. त्याची पूडही नीट होत नाही. अशावेळी ती वेलची गॅसवर ठेवली तर थोडी गरम होऊन पुन्हा ताजी दिसेल. त्याचे दाणेही कुरकुरीत होतात.
Avika Rawat Foods युट्युब चॅनेलवर हा व्हिडीओ पोस्ट करण्यात आला आहे. व्हिडीओ पाहण्यासाठी इथं क्लिक करा.
वेलची खाण्याचे फायदे काय?
तोंडाची दुर्गंधी : दातांमध्ये पोकळी निर्माण होणे आणि श्वासात दुर्गंधी येणे ही खूप कॉमन समस्या आहे. पण ही समस्या जितकी कॉमन वाटत असली तरी तितकीच त्रासदायक आहे. दुर्गंधी घालवण्यासाठी वेलची तुम्हाला मदत करू शकते. याचे कारण असे की, वेलची तोंडातील बॅक्टेरिया नष्ट करण्यास आणि पोकळी रोखण्यास मदत करते.
रक्तदाब नियंत्रण : वेलची रक्तदाब कमी करण्यासाठी उपयुक्त ठरू शकते. वेलचीमध्ये असलेले अँटी-ऑक्सिडेंट आणि लघवीचे प्रमाण वाढवणारा पदार्थ रक्तदाब कमी करण्यास मदत करतो.
Kitchen Jugaad Video : कपड्यांचा सेफ्टी पिन भांड्यांसाठी मोठा कामाचा, असा वापर तुम्ही पाहिलाच नसाल
पचनाच्या समस्या : आजकालच्या जीवनशैलीत अपचन, गॅस, अॅसिडिटी आणि बद्धकोष्ठता यांसारख्या समस्या असणे अगदी कॉमन आहे. ही समस्या दूर करण्यात वेलचीही चांगली भूमिका बजावू शकते.
संसर्ग होत नाही : ऋतू बदलामुळे होणारे विविध प्रकारचे फंगल इन्फेक्शन, फूड पॉयझनिंग आणि पोटाशी संबंधित समस्या दूर करण्यासाठीही तुम्ही वेलचीची मदत घेऊ शकता. याचे कारण असे की वेलचीमध्ये असलेले आवश्यक तेले आणि अर्क विविध प्रकारच्या जीवाणूंविरूद्ध लढण्यासाठी प्रभावी ठरू शकतात.
रक्तातील साखरेची पातळी : उंदरांवरील अभ्यासात असे दिसून आले आहे की, वेलची उच्च रक्तातील साखरेची पातळी कमी करण्यास मदत करू शकते.
उलट्या, अस्वस्थता : वेलचीचा उपयोग पचनशक्ती राखण्यासाठी तसेच अस्वस्थता, मळमळ आणि उलट्या यांसारख्या समस्यांपासून आराम मिळवण्यासाठी केला जातो. वेलची इतर औषधी मसाल्यांमध्ये मिसळून देखील वापरले जाते.