बऱ्याच गृहिणींकडे काही ना काही घरगुती जुगाड किंवा किचन टिप्स असतात. काही गृहिणी हा जुगाड सोशल मीडियावर पोस्ट करतात. अशाच एका गृहिणीने सांगितलेला हा जुगाड. ज्यात तिने ग्लासने टॉयलेट स्वच्छ करण्याची पद्धत दाखवली आहे. आता ग्लासने टॉयलेट स्वच्छ कसं करायचं असा प्रश्न तुम्हाला पडला असेल. गृहिणीने व्हिडीओत याची सविस्तर माहिती देत प्रात्यक्षिकही करून दाखवलं आहे.
advertisement
Kitchen Jugaad Video : ढिगभर कपडे धुवा तेही फक्त हिरव्या मिरचीने
तिने व्हिडीओ सांगितल्यानुसार तुम्हाला एक ग्लास घ्यायचा आहे. यात व्हाइट किंवा अॅपल व्हिनेगर घ्यायचं आहे. यात सोडा मिक्स करा. त्यात बबल्स येतील. यानंतर या ग्लासात तयार झालेलं सोल्युशन टॉयलेटमध्ये पसरवा, टॉयलेटमध्ये टाका. थोडा वेळा हे सोल्युशन टॉयलेटमध्ये असंच राहू देत. यानंतर तुम्ही पाणी आणि ब्रशच्या सहाय्याने किंवा फक्त पाण्यानेही टॉयलेट स्वच्छ करून घेतलं तरी चालेल. आता याचा फायदा काय, तर तुमचं टॉयलेट अगदी नव्यासारखं चमकेल. टॉयलेटमधून दुर्गंधीही येणार नाही. टॉयलेटमधील जर्म्सही नष्ट होतील.
Kitchen Jugaad Video : गॅस संपण्याचं टेन्शनच नाही, सिलेंडरवर फक्त ओला कपडा ठेवा
सामान्यपणे टॉयलेट क्लिन करण्यासाठी आपण हार्पिकसारखे क्लिनर वापरतो. पण एखाद वेळी तुमच्याकडे हार्पिक नसेल, ते संपलं असेल, तुम्ही आणायला विसरला असाल तर तुम्ही हा जुगाड करू शकता. हार्पिक आणि ब्रश न वापरता तुम्ही अशा पद्धतीने टॉयलेट स्वच्छ करू शकता.
अविका रावत फुड्स युट्यूब अकाऊंटवर हा व्हिडीओ पोस्ट करण्यात आला आहे. तुम्ही अशा पद्धतीने टॉयलेट क्लिन करून पाहा आणि त्याचा परिणाम कसा वाटला ते आम्हाला आमच्या सोशल मीडियाच्या कमेंट बॉक्समध्ये आपली प्रतिक्रिया देऊन आम्हाला नक्की सांगा.
(सूचना - हा लेख सोशल मीडियावरील व्हायरल व्हिडीओवर आधारित आहेत. न्यूज 18 मराठीचा याच्याशी संबंध नाही. न्यूज 18 मराठी याची हमी देत नाही.)