वाटण करण्यासाठी किंवा मसाला वाटण्यासाठी पूर्वी पाटा-वरवंट्याचा वापर व्हायचा. आता पाटा-वरवंट्याची जागा मिक्सर-ग्राइंडरनं घेतली आहे. पण काही वेळा असं होतं की मिक्सर बिघडतो किंवा अचानक लाइट जाते आणि मसाला वाटायचा असतो. काही जणांच्या घरात पाटा-वरवंटा आजही आहे पण सर्वांनाच तो वापरता येतो असं नाही किंवा रात्रीचा अंधार असेल तर या पाटा-वरवंट्यावरही मसाला वाटणं म्हणजे मुश्कील. अशावेळी काय करायचं?
advertisement
अशावेळी तुमच्या कामी येईल ती फक्त एक प्लॅस्टिकची बाटली. पाणी किंवा कोल्डड्रिंकची प्लॅस्टिकची रिकामी बाटली तर प्रत्येकाच्या घरात असतेच. सामान्यपणे ही बाटली आपण फेकून देतो. पण या बाटलीत मसाला वाटता येऊ शकतो, असं सांगितलं तर साहजिकच तुम्हाला आश्चर्य वाटेल. आता ते कसं शक्य आहे, हे पाहण्याची उत्सुकता तुम्हाला असेल.
प्लॅस्टिक बाटलीत कसा वाटायचा मसाला?
तुम्हाला करायचं काय आहे तर बाटलीला मधून कापा. आता आलं, लसूण, कांदा, मिरची या बाटलीत टाका आणि वरून लाटणीनं ठेचा. हा तुमचा एक प्रकारचा खलबत्ता तयार झाला आहे. आलं, लसूण, कांदा, मिरची अशा मसाल्याचा वाटण तुम्ही या प्लॅस्टिक बाटलीत करू शकता. लाईट गेली, मिक्सर बिघडला तर आयत्यावेळी तुम्हाला हा जुगाड कामी येईल.
इथं पाहा व्हिडीओ
Pal pal real vlog युट्युब चॅनेलवर हा व्हिडीओ पोस्ट करण्यात आला आहे. व्हिडीओ पाहण्यासाठी इथं क्लिक करा. हा जुगाड तुम्ही करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.
Jugaad Video : पावसात प्लॅस्टिक भांड्यांना भोकं पाडा; दिसेल ‘जादुई’ परिणाम
सूचना : हा व्हिडीओ सोशल मीडियावरील व्हायरल व्हिडीओवर आधारित आहे. न्यूज18मराठीचा याच्याशी काहीही न्यूज18मराठी याची खातरजमा करत नाही.)