फ्रिजमुळे येणारं लाइट बिल कमी करण्याचा सोपा फंडा काही गृहिणींनी सोशल मीडियावर शेअर केला आहे. युट्यूब अकाऊंटवर याचे व्हिडीओ आहेत. ज्यात फ्रीजच्या दरवाजात फक्त एक साधा पेपर अडकवल्याने लाइट बिल कमी होईल, असा दावा करण्यात आला आहे. आता एक पेपर लाइट बिलची बचत कसं काय करेल? असा प्रश्न तुम्हालाही पडला असेल. चला तर मग व्हिडीओ पाहुयात.
advertisement
Jugaad : गावी जाण्याआधी लॉकरऐवजी टॉयलेटमध्ये ठेवा Gold Jewellery आणि पाहा काय कमाल होते
तुम्ही पाहिलं असेल अनेकदा फ्रीजचा दरवाजा उघडायला गेल्यावर तो पटकन उघडतो किंवा किंचितसा उघडा राहतो. दरवाजा नीट लागत नाही. ज्यामुळे त्यातील थंड हवा बाहेर पडते. अशा परिस्थितीत फ्रीजला गॅस बनवण्यातही जास्त वीज लागते, त्याच्या कम्प्रेसरवर परिणाम होतो. आता फ्रीजचा दरवाजा नीट न लागण्याचं कारण म्हणजे दरवाजावर असलेला रबर. तुम्ही नीट पाहाल तर नव्या फ्रीजमधील रबर थोडा फुगीर असतो. पण तो जुना झाला की हा रबर चिकटतो. त्याच्यात घाणही साचते. ज्यामुळे दरवाजा नीट लागत नाही.
आता तुम्हाला करायचं काय आहे, तर फ्रीजच्या दरवाजाच्या मधोमध एक कागद धरायचा आहे. तुम्ही साधा पेपर किंवा टिश्यू पेपरही वापरू शकता. पेपरचा थोडासा भाग फ्रीजबाहेर राहिल अशापद्धतीने दरवाजा बंद करा. यानंतर फ्रीजच्या दरवाजात अडकवलेला पेपर हलक्या हाताने खेचण्याचा प्रयत्न करा. जर तो पेपर सहज आणि पटकन निघाला तर फ्रीजच्या रबरमध्ये समस्या आहे हे समजून जा.
यावर उपाय काय?
आता ते तुम्हाला दुरूस्त करायचं आहे. यासाठी तुम्ही दोन पद्धती वापरू शकता. एका बारीक काठीत कापूस टाकून त्याने रबरमधील घाण स्वच्छ करून घ्या. रबरमध्ये घाण साचलेली असल्याने ते चिकटलेले असतात त्यात लवचिकपणा नसतो. म्हणूनच फ्रीजचा दरवाजा नीट लागत नाही. पुणेरी तडका युट्यूब चॅनेलवर हा उपाय देण्यात आला आहे.
दुसरं म्हणजे हेअर ड्रायर किंवा रबरला गरम हवा मिळेल असं काहीतरी घेऊन रबरला गरम हवा द्या. यामुळे रबर फुलतील ते नीट होतील. गरिमास यमी फूडवर हा उपाय सांगण्यात आला आहे.
Watermelon : कलिंगड गोड आहे की नाही, फक्त 2 बोटं ठेवूनच समजेल चव, कसं ते पाहा
दोन्ही किंवा दोन्हीपैकी एक प्रक्रिया करून पाहा आणि त्यानंतर पुन्हा दरवाजात पेपर अडकवून ते खेचून पाहा. जर पेपर बाहेर आला तर केलेला उपाय आणखी एकदा करा. कागद बाहेर आला नाही तर समजा तुमचा दरवाजा घट्ट लागला आहे. आता दरवाजा घट्ट असल्याने फ्रिजमधील थंड हवा बाहेर येणार नाही आणि फ्रीजला थंड राहण्यासाठी फार विजेची गरज पडणार नाही. साहजिकच यामुळे तुमचं लाइट बिलही कमी होईल.
(सूचना : हा लेख सोशल मीडियावरील व्हायरल व्हिडीओवर आधारित आहे. न्यूज 18 मराठी या उपायाची हमी देत नाही. पण तुम्ही एकदा करून पाहा आणि तो किती परिणामकारक आहे, ते आम्हाला आमच्या सोशल मीडियाच्या कमेंट बॉक्समध्ये नक्की सांगा.)