ब्रिटनमधील ही घटना आहे. ग्रेटर मँचेस्टरमधील बोल्टन येथीस लिटिल लेव्हर येथील 70 वर्षांचा लेस्ली ग्रीन आपला 70 वा वाढदिवस साजरा करण्यासाठी स्पेनमधील फुएर्टेव्हेंटुरा येथील 4-स्टार लक्झरी रिसॉर्ट ऑक्सीडेंटल जँडिया प्लेया इथं कुटुंबासह गेला. दुसऱ्या आठवड्यात लेस्ली गंभीर आजारी पडू लागला. रुग्णालयात दाखल केल्यानंतर त्याला साल्मोनेला संसर्ग झाल्याचं निदान झालं, ज्यामुळे नंतर सेप्सिस (रक्त संसर्ग) आणि मूत्रपिंड निकामी होणं यासारख्या गुंतागुंत निर्माण झाल्या. जवळजवळ 4 आठवड्यांच्या उपचारानंतर 4 नोव्हेंबर 2024 रोजी त्याचे अनेक अवयव निकामी झाले ज्यामुळे त्याचं निधन झालं.
advertisement
अचानक बिघडली तरुणीची तब्येत, शरीरातून मेलेल्या उंदरासारखा वास, रिपोर्ट पाहून डॉक्टरही धक्क्यात
त्याच ट्रिपवर त्याच्यासोबत असलेली त्याची पत्नी ज्युली ग्रीनलाही साल्मोनेला संसर्ग झाला आणि तिने एक आठवडा रुग्णालयात घालवला. ज्युली म्हणाली की सुट्टीच्या काळात ते फक्त हॉटेलच्या बुफेमधून जेवले
होते. तिने सांगितलं की एकदा त्यांनी मागवलेलं चिकन कमी शिजलेले होतं. ज्युलीने आरोप केला की तिने हॉटेल कर्मचाऱ्यांना हात धुताना पाहिलं नाही आणि कधीकधी ताजं शिजवलेले अन्न आधीच साठवलेल्या अन्नात मिसळलं जात असे.
चिकन चांगलं आहे की नाही हे कसं ओळखायचं?
सर्वात पहिलं म्हणजे चिकनचा वास घेऊन पाहा, त्याच्यातून विचित्र वास येत असेल ते खराब झालेलं असतं. फ्रेश चिकनचा वास सौम्य असतो. खराब चिकनमध्ये तीव्र, आंबट, सडल्यासारखा वास येतो.
चिकनचा रंगही तपासा. चिकन खराब झालं असेल तर त्याचा रंग हलका पिवळा होतो.
चिकन नीट पाहा त्यावर कुठे बुरशी तर नाही ना. बुरशी असेल तर ते चिकन खराब आहे.
चिकन शिजवल्यानंतरही ते खराब आहे की नाही ते समजतं. चिकन खराब असेल तर शिजवल्यानंतर ते रबरासारखं लागतं.