सिंह जंगलाचा राजा. ज्याला संपूर्ण जंगल म्हणजे जंगलातील बऱ्यापैकी सगळे प्राणी घाबरतात. जंगलाचा राजा असला तरी तो जमिनीवर राहतो, हवेत उडतो असं नाही. पण सध्या सोशल मीडियावर व्हायरल होत असलेल्या व्हिडीओत मात्र सिंह चक्क आकाशात उडताना दिसला. सोशल मीडियावरील हा व्हिडीओ पाहून सगळे थक्क झाले आहेत.
Animal Facts : एक पक्षी जो जंगलाच्या राजाचा 'काळ', लाथ मारून घेतो सिंहाचा जीव
advertisement
व्हिडीओत तुम्ही पाहू शकता सिंह आकाशात उडत आहे. तो एकटा नाही. तर माणूस त्याच्यासोबत आहे. माणूस सिंहाला घेऊन पॅराग्लायडिंग करतो आहे. व्हिडिओमध्ये स्पष्टपणे दिसत आहे की सिंह पॅराग्लायडिंग हार्नेसने घट्ट बांधलेला आहे. तोसुद्धा शांत बसला आहे. डरकाळी फोडत नाही किंवा घाबरलेलाही नाही.
हा व्हिडिओ मयंक राय नावाच्या इन्स्टाग्राम अकाउंटवरून शेअर करण्यात आला आहे. जो आतापर्यंत लाखो लोकांनी पाहिला आहे. जरी हे दृश्य खूपच अनोखं असलं तरी या व्हिडिओबद्दल प्रश्न उपस्थित केले जात आहेत. प्राण्यांच्या हक्कांसाठी काम करणाऱ्या संघटनांनी यावर आक्षेप घेतला आहे. तर काही लोकांनी याला मानव आणि प्राण्यांमधील उत्कृष्ट प्रशिक्षण आणि विश्वासाचं उदाहरण म्हटलं आहे.