या व्हिडिओमध्ये एक मुस्लिम महिला बुरखा घालून गणेश विसर्जनाच्या मिरवणुकीत सहभागी झालेली दिसते. ती भक्तांसोबत ताल धरून नाचताना दिसते. तिचा उत्साह पाहून अनेकांनी त्याला धर्मनिरपेक्षतेचं उत्तम उदाहरण म्हटलं आहे. काहींनी लिहिलं की, “हेच आहे आपलं भारत, जिथे सण आनंदाने एकत्र साजरे होतात.” मात्र, या व्हिडिओमुळे काही वादही निर्माण झाले आहेत.
advertisement
सोशल मीडियावरच्या काही लोकांनी या महिलेवर टीका केली. तिच्याच समुदायातील काही जणांनी तिला टार्टेट केल्याची ही चर्चा आहे. हे पाहून अनेकांनी प्रश्न विचारला की, महिलांवर असा दुहेरी मापदंड का लादले जातात? एखादी महिला दुसऱ्या धर्माचा सण आनंदाने साजरा करत असेल तर त्यात गैर काय?
व्हिडिओमध्ये गणपती बाप्पांची मोठी प्रतिमा विसर्जनासाठी नेण्यात येत आहे आणि त्या उत्सवात ही महिला बिंधास्त थिरकत आहे. ती नाचत असताना तिचा चेहरा पूर्णपणे झाकला गेला आहे. त्यामुळे तिने तिच्या धर्माचं उल्लंघन न करता आपल्या मनातील इच्छा पूर्ण केली आणि मनसोक्त असा डान्स तिने केला.
यासोबतच एका महिलेचा आणखी एक व्हिडीओ व्हायरल होत आहे. ज्यामध्ये ही महिला बिना बुरख्याची दिसत आहे आणि ती म्हणते की, "मला डान्स आवडतो मग मी नाचणार, मला कोणीच थांबवू शकत नाही. " ही महिला तिच नाचणारी बुरखावाली महिला असल्याचं सांगितलं जात आहे. पण ही महिला तिच आहे का? की दोन वेगवेगळे व्हिडीओ इथे जोडले गेले आहेत का? याबद्दल कोणतीही माहिती समोर आलेली नाही.