मक्याचे दर गडगडले
राज्याच्या कृषीमार्केटमध्ये आज एकूण 30 हजार 467 क्विंटल मक्याची आवक झाली. यापैकी नाशिक मार्केटमध्ये 7 हजार 394 क्विंटल मक्याची सर्वाधिक आवक झाली. त्यास मक्याच्या प्रतीनुसार कमीत कमी 1050 ते जास्तीत जास्त 1835 रुपये प्रतिक्विंटल बाजार भाव मिळाला. तसेच सांगली मार्केटमध्ये आवक झालेल्या 23 क्विंटल मक्यास 2320 ते 2390 रुपये दरम्यान सर्वाधिक बाजारभाव मिळाला.
advertisement
आपण डिप्रेशनचे शिकार तर नाहीत ना? पाहा काय आहेत नैराश्याची लक्षणे? Video
कांद्याची उच्चांकी आवक मात्र भाव दबावातच
उन्हाळी काद्यांचा हंगाम अंतिम टप्प्यात आला असल्याने बाजारातील आवक चांगली आहे. मात्र कांद्याचे दर दबावातच दिसतात. राज्याच्या मार्केटमध्ये आज 2 लाख, 53 हजार 163 क्विंटल कांद्याची एकूण आवक झाली. यापैकी 1लाख, 05 हजार 134 क्विंटल सर्वाधिक आवक नाशिक बाजारात झाली. त्यास प्रतीनुसार कमीत कमी 427 ते जास्तीत जास्त 1958 रुपयांपर्यंत बाजार भाव मिळाला. तसेच ठाणे मार्केटमध्ये आवक झालेल्या 3 क्विंटल कांद्यास सर्वाधिक 4500 रुपये बाजारभाव मिळाला.
सोयाबीन उत्पादकांचा तोटा वाढतोय
राज्याच्या मार्केटमध्ये 1 लाख, 02 हजार 515 क्विंटल सोयाबीनची एकूण आवक झाली. यापैकी अमरावती मार्केटमध्ये सर्वाधिक 21 हजार 408 क्विंटल आवक राहिली. त्यास प्रतीनुसार 3750 ते 4260 रुपये प्रतिक्विंटल बाजार भाव मिळाला. तसेच जालना मार्केटमध्ये 17 हजार 499 क्विंटल सोयाबीनची आवक होऊन त्यास प्रतीनुसार 3425 ते 4700 रुपये सर्वाधिक बाजारभाव मिळाला.
बहुतांश शेतकऱ्यांनी शेतमालाची विक्री केल्यानंतर पणन मंडळाकडून हमीभावावर खरेदी केंद्रे सुरु करण्यात येत आहेत. यामुळे येत्या 15 नोव्हेंबर पासून बाजारातील तेजीचा लाभ व्यापारीच लाटण्याची शक्यता अधिक आहे. शेतकऱ्यांकडून अल्प दरात शेतमाल लुटून झाल्यावर खरेदी केंद्रे सुरु करण्याचा शासन निर्णय म्हणजे वरातीमागून घोडे असे शेतकऱ्यांचे म्हणणे आहे.