दोन वेळा लोकसभा खासदार राहिलेल्या तृणमूल काँग्रेसच्या महुआ मोईत्रा यांनी गुपचूप लग्न केलं आहे. द टेलिग्राफमधील वृत्तानुसार, त्यांनी 3 मे रोजी जर्मनीमध्ये बिजू जनता दलाचे नेते पिनाकी मिश्रा यांच्याशी लग्न केलं. ते पुरी इथून लोकसभा खासदार राहिले आहेत. सूत्रानुसार त्यांनी जर्मनीमध्ये लग्न केलं आहे पण अद्याप कोणीही याबाबत अधिकृतरित्या सांगितलं नाही. पण त्यांचे फोटो व्हायरल होत आहेत.
advertisement
महुआ मोइत्रा आणि पिनाकी मिश्रा यांचं जर्मनीत लग्न झाल्यानंतर लोकांच्या मनात हा प्रश्न येणं स्वाभाविक आहे, की एक भारतीय जर्मनीमध्ये जाऊन लग्न कसं करू शकतो? आणि इथल्या लग्नाचा खर्च किती?
जर्मनीत लग्नासाठी किती खर्च?
खरं तर यासाठी जर्मनीकडून लग्नाच्या व्हिसासाठी अर्ज करावा लागेल. या व्हिसामुळे त्यांना जर्मनीमध्ये प्रवेश करून लग्न करता येईल. जर कोणी आधीच विवाहित असेल तर त्यांना घटस्फोटाचा आदेश किंवा माजी पती/पत्नीचा मृत्यू प्रमाणपत्रदेखील आवश्यक आहे.
एका जर्मन न्यूज पोर्टलनुसार, 2024 मध्ये सरासरी जर्मन लग्नात 15452.50 युरो म्हणजे तब्बल 15 लाख रुपये खर्च होता. 2024 मध्ये 2023 च्या तुलनेत लग्नामध्ये 8% जास्त खर्च दिसून आला आहे. जर्मनीमध्ये किमान 22.5 जोडपी असा खर्च करतात. प्रत्येक 8 जोडप्यांपैकी फक्त एक जोडपी त्यांच्या लग्नावर 5000 युरो म्हणजे 5 लाखांपेक्षा कमी खर्च करतात. त्याचवेळी 50 पैकी एक जोडपं असं आहे जे 40000 युरोपेक्षा जास्त म्हणजे जवळपास 40 लाख रुपये खर्च करतं.
या गावातील एकाही पुरुषाची होत नाहीये सुहागरात, सगळ्यांना एकच अडचण, इच्छा असूनही सुटेना
आता लग्न म्हटलं की लग्नाचे कपडे, सजावट, पत्रिका, जेवण, संगीत, फोटो इत्यादींवर खूप खर्च होतो. जर्मनीबद्दल बोलायचं झालं तर लग्नात खाण्यापिण्याचं बजेट सुमारे 7803.50 युरो म्हणजे साडेसात लाख रुपये, संगीत आणि लग्नाच्या ड्रेसवर अनुक्रमे सरासरी 1357.25 युरो आणि 1358 युरो म्हणजे जवळपास 1 लाख 30 हजार रुपये, फोटोग्राफीसाठी सरासरी 1667 युरो म्हणजे दीड लाख रुपये, सजावटीवर सरासरी 740.50 युरो 70 हजार रुपये, कार्ड/इतर स्टेशनरीवर सुमारे 303 युरो म्हणजे 30 हजार रुपये खर्च आहे.
आता महुआ मोइत्रा एक आघाडीची नेता आहे, म्हणून त्यांनी लग्नावरही खूप खर्च केला असेल. तो नेमका किती याबाबत अद्याप माहिती नाही.