अमेरिकेतील सॅन फ्रान्सिस्कोहून दिल्लीला जाणाऱ्या विमानातील ही घटना. मुंबई आयआयटीमधून पदवीधर झालेला तरुण. त्याने असं कृत्य केलं जे सोशल मीडियावर चर्चेचा विषय बनलं आहे. हा तरुण सिलिकॉन व्हॅलीमधील एका एआय स्टार्टअपमध्ये काम करतो आणि दरवर्षी अंदाजे 4.39 कोटी कमावतो, पण विमानातील त्याच्या वागण्याने लोकांना आश्चर्यचकित केलं आहे.
एका टेक कंपनीचे सीईओ गौरव खेत्रपाल यांनी ही संपूर्ण कहाणी सोशल मीडिया प्लॅटफॉर्म एक्स वर शेअर केली. त्यांनी पोस्टमध्ये सांगितलं, "माझ्या शेजारी बसलेला 25 वर्षीय तरुण, जो सिलिकॉन व्हॅलीमध्ये वर्षाला सुमारे अर्धा दशलक्ष डॉलर्स कमवतो तो फ्लाइटमध्ये 11 बिअर प्यायला. जेव्हा क्रू मेंबरने आक्षेप घेतला तेव्हा त्याने आमच्याकडून बिअर घेतली आणि प्यायला सुरुवात केली. इतकी बियर प्यायल्यानंतर त्याचा कंट्रोल सुटला आणि त्याने पँट ओली केली. दुर्गंधीमुळे आम्हाला जागा बदलाव्या लागल्या"
advertisement
Happy Diwali! दिवाळीच्या मेसेजमुळे सोशल मीडियावर ट्रोल झाला, प्रकरण काय?
"वर्षाला 4 कोटी रुपये कमावणारा माणूस मोफत बिअरसाठी इतका बेशिस्त होतो हे खरोखरच लज्जास्पद आहे. भारतीय प्रवासी स्वतःला असे बदनाम करणे कधी थांबवतील?", असा संताप खेत्रपाल यांनी व्यक्त केला आहे.
खेतरपाल यांची पोस्ट सोशल मीडियावर व्हायरल झाली. हजारो लोकांनी यावर कमेंट केल्या. बहुतेकांनी गौर खत्री यांना दोषी ठरवलं. एका युझरने लिहिलं, "फ्लाइट अटेंडंटने नकार दिला तरीही तुम्ही आणि तुमच्या टीमने त्याला बिअर दिली. तूही तितकाच जबाबदार आहेस." दुसऱ्याने लिहिलं, "तू प्रोटोकॉल तोडत होतास. जेव्हा एअर हॉस्टेसने नकार दिला तेव्हा त्याचं एक कारण होतं. भावनेच्या भरात नियम तोडू नकोस." तर काही युझर्सनी कथेच्या सत्यतेवर प्रश्नचिन्ह उपस्थित केले. एका व्यक्तीने लिहिलं, "ही कहाणी खोटी वाटते, फक्त एंगेजमेंट वाढवण्यासाठी बनवली आहे."
पोटात 'टिकटिक'! रुग्णाचा रिपोर्ट पाहून डॉक्टरही हादरले, ताबडतोब सर्जरी
ही स्टोरी रिअल असो वा फेक या 'बीअर गेट'ने सोशल मीडियावर बरीच खळबळ उडवून दिली आहे. लोक म्हणत आहेत, "पैशाने सभ्यता खरेदी करता येत नाही"