अनेक देशांनी या दिशेने प्रगती केली असली, तरी आजही जगात असे काही कायदे आहेत, जे महिलांसाठी भेदभाव करणारे आणि आश्चर्यचकित करणारे आहेत. चला तर मग जाणून घेऊया काही असे कायदे, जे ऐकून तुम्हालाही विश्वास बसणार नाही.
1. यमनच्या कायद्यांनुसार महिलांची साक्ष संपूर्ण मानली जात नाही. एखाद्या प्रकरणात महिला साक्ष देते तरी ती फक्त तेव्हाच ग्राह्य धरली जाते, जेव्हा तिच्यासोबत पुरुषाचीही साक्ष असते. म्हणजेच काय तर महिलांना पूर्ण विश्वासार्ह मानलं जात नाही.
advertisement
2. जेरूसलम पोस्टच्या अहवालानुसार, इजराइलमध्ये यहुदी कायद्यांच्या आधारे न्यायालये चालतात. येथे जर एखाद्या महिलेला घटस्फोट हवा असेल तर तिला पतीची मंजुरी घ्यावी लागते. म्हणजेच, स्वतःचं आयुष्य नव्याने सुरू करण्यासाठीही त्यांना पतीवर अवलंबून राहावं लागतं.
3. ईरानमधील इस्लामी धर्मगुरूंच्या मते, महिलांनी पुरुषांच्या क्रीडा स्पर्धांपासून दूर राहायला हवं. त्यामुळे महिलांना फुटबॉलचे सामने मैदानात जाऊन पाहण्यास मनाई आहे. तथापि, अलीकडच्या काही वर्षांत महिलांना मर्यादित प्रमाणात प्रवेश देण्याबाबत चर्चा सुरू आहे, पण संपूर्ण स्वातंत्र्य मिळालेलं नाही.
4. पूर्वी रशिया, पाकिस्तानसारख्या देशांमध्ये महिलांना मेट्रो ड्रायव्हर, जहाजावर डेकवर काम करणं किंवा धोकादायक फॅक्टरी जॉब्स करण्याची परवानगी नव्हती. मात्र, 2021 नंतर रशियामध्ये या पैकी अनेक निर्बंध हटवले गेले आहेत. तरीही काही देशांमध्ये अजूनही महिलांना काही क्षेत्रांत प्रवेश नाकारला जातो.
5. पाकिस्तानमध्ये महिलांना मशीन दुरुस्त करण्यास मनाई आहे. या कायद्यानुसार, हे काम फक्त पुरुषांसाठी योग्य आहे असा समज आहे. त्यामुळे महिलांना तांत्रिक क्षेत्रात समान संधी मिळवण्यासाठी अजून लांबचा पल्ला गाठावा लागणार आहे.
आज अनेक देशांमध्ये महिलांना शिक्षण, रोजगार आणि स्वतःच्या निर्णयाचा अधिकार मिळाला आहे, तरीही असे अनेक कायदे त्यांच्या समानतेच्या मार्गात अडथळा आणतात. संयुक्त राष्ट्रांच्या अहवालानुसार, जगभरातील अनेक महिलांना आजही कायदेशीर आणि सामाजिक भेदभावाचा सामना करावा लागतो. काही देशांमध्ये महिलांना गाडी चालवण्याची परवानगी उशिरा मिळाली, तर काही ठिकाणी अजूनही त्यांना सार्वजनिक जीवनात सहभागी होण्यासाठी कुटुंबाची परवानगी घ्यावी लागते.
महिला समानता दिवस साजरा करण्याचा खरा अर्थ फक्त सोशल मीडियावर पोस्ट टाकणं नाही, तर अशा भेदभावपूर्ण कायद्यांविरुद्ध जागृती निर्माण करणं आणि महिलांसाठी खऱ्या अर्थाने समानता आणण्यासाठी प्रयत्न करणं हे आहे.