व्हायरल झालेल्या व्हिडिओतील तरुण अमेरिकेतील न्यूयॉर्क शहरातील एम्पायर स्टेट या इमारतीच्या टेरेसवरील ॲंटेनाच्या टोकावर उभा राहात असल्याचं दिसत आहे. उंचीचा धसका असलेल्या कित्येकांना त्या इमारतीच्या टेरेसवरुन साधं खाली वाकून बघणंही जमणार नाही, तिथे हा तरुण मात्र त्यावरील ॲंटीनावर उभा राहात आहे.
कोब्रा आणि किंग कोब्रामध्ये काय आहे फरक? किंग कोब्रा विषारी सापांना का खातो? थरकाप उडवणारं तथ्य
advertisement
1435 फुटांच्या उंचीवरुन केलेला हा स्टंट म्हणजे एक रेकॉर्डच असतं आणि ते करणं हे कुणा सामान्य माणसाचं काम नसतं, हे तर स्पष्टच आहे. व्हिडिओतील तरुण हेलीकॉप्टरला जोडलेल्या एका दोरखंडाला धरुन ॲंटेनावर उभा आहे. हा दोरखंड अर्थातच व्हिडिओमध्ये दिसत नाही. तो कुठे उभा आहे ते त्याने स्वतःच कॅप्शनमध्ये सांगितलं आहे. तो उभं राहाण्याच्या निर्धारित ठिकाणी पोहोचताच हेलीकॉप्टर त्याच्या बाजूने थेट त्याच्या डोक्यावर येऊन पोहोचताना व्हिडिओत दिसत आहे.
हे दृश्य बघणं अक्षरशः धडकी भरवणारं आहे. हेलीकॉप्टरमधील कॅमेरा त्याच्या उंचीवरुन या तरुणाकडे बघतो तेव्हा आजूबाजूच्या इतर इमारतींची फक्त चौकोनी आकाराचीडोकी दिसतात. तरुणाने हेलीकॉप्टरमधून आलेला एक दोरखंड धरुन राहातो. livejn नावाच्या अकाउंटवरुन हा व्हिडिओ शेअर करण्यात आला आहे. आतापर्यंत 2 कोटी 11 लाख लोकांनी तो पाहिला आहे.
अनेक लोकांनी या व्हिडिओवर कॉमेंट्स करताना व्हिडिओ बघूव वाटलेली भिती व्यक्त केली आहे. व्हिडिओ बघताना भितीने हातपाय थंड पडल्याचं एका युझरने म्हटलं आहे. अनेकांनी या तरुणाचं कौतुक केलं आहे. ‘हे सगळं का करायचं?’ असं एका युझरने विचारलं आहे. तर दुसऱ्या युझरने ‘हा स्टंट करताना भूकंप झाला तर?’ असं विचारुन लोकांच्या भितीत भर घातली आहे.