Vasant Panchami 2026: आज वसंत पंचमीला 'या' चुका करणं टाळा; देवी सरस्वतीच्या कृपेला मुकाला
- Published by:Ramesh Patil
Last Updated:
Vasant Panchami 2026: सरस्वती देवीच्या आशीर्वादासाठी या दिवशी काही नियमांचे पालन करणे आवश्यक मानले जाते. या दिवशी फक्त आपल्याच नव्हे तर कुटुंबातील कोणाच्याही हातून काही गोष्टी होणं अशुभ मानलं जातं. शास्त्रांनुसार वसंत पंचमीला कोणत्या चुका करू नयेत, त्याविषयी जाणून घेऊ.
मुंबई : हिंदू धर्मात माघ महिना धार्मिक दृष्टीने अत्यंत महत्त्वाचा मानला जातो. याच महिन्यातील शुक्ल पक्षाच्या पंचमीला वसंत पंचमी साजरी केली जाते. यावर्षी हा सण आज 23 जानेवारी रोजी येत आहे. हा दिवस विद्या, बुद्धी आणि कलेची देवता माता सरस्वती हिला समर्पित आहे. सरस्वती देवीच्या आशीर्वादासाठी या दिवशी काही नियमांचे पालन करणे आवश्यक मानले जाते. या दिवशी फक्त आपल्याच नव्हे तर कुटुंबातील कोणाच्याही हातून काही गोष्टी होणं अशुभ मानलं जातं. शास्त्रांनुसार वसंत पंचमीला कोणत्या चुका करू नयेत, त्याविषयी जाणून घेऊ.
निसर्गाची हानी टाळा - वसंत पंचमी हा दिवस वसंत ऋतूच्या आगमनाचे प्रतीक आहे. निसर्गात नवीन पालवी फुटत असते, त्यामुळे या दिवशी झाडे किंवा वनस्पती तोडणे अशुभ मानले जाते. निसर्गाला हानी पोहोचवल्यास माता सरस्वती अप्रसन्न होऊ शकते, अशी धार्मिक धारणा आहे.
रागावर नियंत्रण ठेवा - या दिवशी मन शांत ठेवणे अत्यंत गरजेचे आहे. क्रोध, अहंकार आणि कोणाबद्दलही वाईट विचार करणे टाळावे. अहंकार हा ज्ञानाचा शत्रू मानला जातो, त्यामुळे संयम आणि नम्रता बाळगल्यास मानसिक शांतता मिळते.
advertisement
तामसिक आहार घेऊ नका - वसंत पंचमीच्या दिवशी मद्यपान किंवा मांसाहार करणे टाळावे. या दिवशी सात्विक भोजन ग्रहण करणे किंवा उपवास करणे लाभदायक मानले जाते. यामुळे पूजेत एकाग्रता राहते आणि देवीची कृपा प्राप्त होते.
आळस करू नका - या दिवशी ब्रह्म मुहूर्तावर उठणे शुभ मानले जाते. उशिरापर्यंत झोपून राहणे या दिवशी टाळावे. सकाळी लवकर उठून स्नान करावे, सूर्यदेवाला जल अर्पण करावे आणि पिवळ्या रंगाचे वस्त्र परिधान करून सरस्वती देवीची पूजा करावी.
advertisement
नकारात्मकतेपासून दूर राहा - वसंत पंचमी हा नवीन सुरुवातीचा दिवस आहे. या दिवशी कोणाशीही वाद घालू नका किंवा घरात भांडणे करू नका. घरामध्ये खेळीमेळीचे आणि सकारात्मक वातावरण राखण्याचा प्रयत्न करावा.
advertisement
नवीन कामाची सुरुवात - हा दिवस वाहन खरेदी, भूमी पूजन, शिक्षण सुरू करणे किंवा लग्नासारख्या शुभ कार्यांसाठी अत्यंत चांगला मानला जातो. या दिवशी आळस न करता आपल्या ध्येयावर लक्ष केंद्रित करणे यश मिळवून देते. श्रद्धा आणि नियमांचे पालन करून हा सण साजरा केल्यास जीवनात ज्ञान, शांती आणि सकारात्मकता येते.
advertisement
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
Jan 23, 2026 7:28 AM IST
मराठी बातम्या/राशीभविष्य/
Vasant Panchami 2026: आज वसंत पंचमीला 'या' चुका करणं टाळा; देवी सरस्वतीच्या कृपेला मुकाला
