Vastu Tips: दाराच्या तोंडाला उलटी चप्पल म्हणजे..! घरात भांडण, अशुभ गोष्टी घडण्याला कारण ठरतं?

मुंबई : घरात चप्पल उलटी दिसली की वडीलधारी माणसं लगेच ओरडतात. त्यांना वाटतं की चप्पल उलटी राहिली की घरात कटकटी होतात. खरंतर हे केवळ अंधश्रद्धेचं काम नाही. बाहेरून आल्या आल्या दरवाजासमोरच जर जोड्यांचा पसारा किंवा उलटीपालटी चप्पल दिसली, तर कोणाचंही डोकं फिरेल. अस्ताव्यस्त घर माणसाच्या मनात चिडचिड निर्माण करतं आणि त्यातूनच मग भांडणं होतात. वास्तुशास्त्र सुद्धा हेच सांगतं की घराचं प्रवेशद्वार जेवढं नीटनेटंक असेल, तेवढीच घरात चांगली ऊर्जा येईल. त्यामुळे चप्पल सरळ ठेवणं ही एक शिस्त आहे, ज्यामुळे मन प्रसन्न राहतं.