Amavashya: पाडव्याच्या फाल्गुन अमावस्‍येला या 5 गोष्टींचे दान सर्वोत्तम; घरात पितृदोष उरणार नाही, अडचणी दूर

मुंबई : हिंदू धर्मात अमावस्या तिथीला विशेष महत्त्व दिले जाते, त्यातही फाल्गुन अमावस्या अत्यंत फलदायी मानली जाते. यावर्षी 19 मार्च 2026, गुरुवारी फाल्गुन अमावस्या आहे. ही तिथी पितरांना समर्पित असून या दिवशी पवित्र नद्यांमध्ये स्नान, तर्पण, श्राद्ध आणि दानधर्माला मोठे महत्त्व आहे. गरजूंना दान दिल्याने पितृ प्रसन्न होतात आणि कुंडलीतील पितृदोष दूर होतो. काही ठिकाणी फाल्गुन अमावस्येला भूतडी अमावस्या असेही म्हणतात. या दिवशी नकारात्मक शक्ती अधिक सक्रिय असतात, त्यामुळे निर्जन स्थळी जाणे टाळावे असा सल्ला दिला जातो.