Nag Panchami 2025: घर पितृदोष-कालसर्प दोषातून मुक्त होईल; नागपंचमी तिथीचा उपाय सर्वात प्रभावी

मुंबई : हिंदू धर्मात नाग पंचमीला विशेष महत्त्व आहे. दरवर्षी श्रावण महिन्यातील शुक्ल पक्षाच्या पंचमीला हा सण साजरा केला जातो. या दिवशी नागदेवता आणि शंभू महादेवाची विशेष पूजा केली जाते. नाग पंचमीला नाग देवतेची पूजा केल्याने जीवनात सुख आणि समृद्धी येते अशी धार्मिक श्रद्धा आहे. अनेक लोकांच्या कुंडलीत कालसर्प दोष असतो, यासाठी शांती करण्याचा सल्ला तज्ज्ञ ज्योतिषी देतात. आज २९ जुलै रोजी नागपंचमीचा सण साजरा केला जात आहे. तसेच, या दिवशी अनेक विशेष योगायोग जुळत आहेत. त्यानं या दिवसाचे महत्त्व आणखी वाढलं आहे. ज्योतिषशास्त्रानुसार, या दिवशी नाग स्तोत्राचे पठण केल्याने कालसर्प आणि पितृ दोषांपासून सुटका मिळू शकते. कुटुंबात सुख आणि समृद्धी प्राप्त होते..