Brahmsthan Tips: घराचं ब्रह्मस्थान कुठं असतं? तेवढीच जागा रिकामी सोडल्यानं इतके फायदे मिळतात

ब्रह्मस्थान हे घराच्या सर्व दिशांमधून येणाऱ्या सकारात्मक ऊर्जा (प्राण ऊर्जा) गोळा करण्याचे आणि ती संपूर्ण घरात पसरवण्याचे केंद्र मानले जाते. हे घराच्या ऊर्जा प्रणालीचे हृदय मानले जाते. हे स्थान घरात सकारात्मकता, संतुलन आणि सुसंवाद राखण्यास मदत करते. घरातील सर्वांच्या चांगल्या आरोग्य, समृद्धी आणि मानसिक शांतीसाठी ब्रह्मस्थान स्वच्छ मोकळं असणं आवश्यक आहे. या ठिकाणी ब्रह्मदेवाचा वास असतो असे मानले जाते, त्यामुळे या जागेची पवित्रता राखणे महत्त्वाचे असते.

ब्रह्मस्थानाच्या ठिकाणी भिंत असल्यास घरातील लोकांना छातीचे किंवा पोटाचे आजार होण्याची शक्यता असते असे मानले जाते.

जिना असल्यास घरातील व्यक्तींना आरोग्य समस्या आणि आर्थिक नुकसान होऊ शकते. शौचालय किंवा स्वयंपाकघर असल्यास ते अत्यंत अशुभ मानले जाते, ज्यामुळे गंभीर वास्तुदोष निर्माण होतात.

ब्रह्मस्थानात नैसर्गिक हवा आणि पुरेसा सूर्यप्रकाश येणे आवश्यक आहे. यामुळे सकारात्मक ऊर्जा वाढते. आजकालच्या अपार्टमेंटमध्ये हे शक्य नसल्यास, किमान हे स्थान मोकळे आणि हवेशीर राहील याची काळजी घ्यावी. या ठिकाणी पाण्याचा कोणताही स्रोत (उदा. जमिनीखाली विहीर, बोअरवेल, भूमिगत पाण्याची टाकी) नसावा. तसं आरोग्यासाठी आणि आर्थिक स्थितीसाठी हानिकारक मानले जाते. ब्रह्मस्थान हे घरातील इतर भागांपेक्षा उंचावर नसावे. ते जमिनीच्या पातळीवर किंवा किंचित खोल ठेवू शकता, पण उंचावर नसावे.

ब्रह्मस्थानात नियमितपणे दिवा लावणे किंवा धूप-अगरबत्ती लावणे. तेथे ओम (ॐ) किंवा स्वस्तिक (卍) चे शुभ चिन्ह लावणे. येथे नेहमी स्वच्छता राखणे. घराचे ब्रह्मस्थान हे घराचा आत्मा मानले जाते. ते योग्य आणि स्वच्छ ठेवल्यास घरात सुख, समृद्धी आणि आरोग्य नांदते.