आता Fortuner चं काय होणार? भारतीय मार्केटमध्ये एंट्री मारताय 3 नव्या 7-सीटर SUV

या तीन 7 Seater SUVs प्रीमियम सेगमेंटमध्ये आपले स्थान मजबूत करण्यासाठी सज्ज आहेत. टोयोटा फॉर्च्युनर, जीप मेरिडियन आणि स्कोडा कोडियाक सारख्या विद्यमान वाहनांशी स्पर्धा करण्यासाठी या नवीन 7-सीटर वाहनांमध्ये काय ऑफर असेल ते आपण पाहू. त्यांच्या अपेक्षित लाँच टाइमलाइनवर देखील आपण एक नजर टाकू.

एमजी मॅजेस्टी या यादीत अव्वल स्थानावर आहे. ती 12 फेब्रुवारी 2026 रोजी येण्याची अपेक्षा आहे आणि भारतातील एमजीची पहिली डी+ एसयूव्ही असेल. ती फॉर्च्युनरपेक्षा मोठी आहे, लांबी अंदाजे 4.8 मीटर किंवा त्याहून अधिक आहे. ती एमजी ग्लोस्टरची अपग्रेडेड किंवा फ्लॅगशिप व्हर्जन असण्याची अपेक्षा आहे, जी ग्लोस्टरच्या वर स्थित आहे. अपेक्षित किंमत ₹40 लाख ते ₹55 लाख (एक्स-शोरूम) पर्यंत असू शकते.

यात 2.0-लिटर ट्विन-टर्बो डिझेल इंजिन असेल जे 216hp आणि 479Nm टॉर्क निर्माण करते. एलईडी प्रोजेक्टर हेडलॅम्प, व्हर्टिकल एलईडी डीआरएल, 19-इंच ड्युअल-टोन अलॉय व्हील्स, पॅनोरॅमिक सनरूफ, रिअर सीट व्हेंटिलेशन, वायरलेस चार्जर, रिअर एसी व्हेंट्स, 360-डिग्री कॅमेरा आणि लेव्हल-2 एडीएएस सारख्या प्रगत सेफ्टी फीचर्सचा समावेश आहे. आतील भागात थ्री रो (6- किंवा 7-सीटर) लेआउट, प्रीमियम अपहोल्स्ट्री आणि आधुनिक टचस्क्रीन इन्फोटेनमेंट सिस्टम असेल. ते कुटुंबासाठी एक प्रशस्त आणि आलिशान अनुभव देईल, तसेच खडबडीत रस्त्यांवर चांगला परफॉर्मेंस देण्यात सक्षम असेल.

VW याला Volkswagen Tayron किंवा Tayron R-Line च्या नावाने सादर करेल. ही नवी 7-सीटर फ्लॅगशिप SUV मार्च 2026 पर्यंत लॉन्च होऊ शकते. VW ने याला भारतात ऑफिशियली कन्फर्म केले आहे आणि ही  R-Line व्हर्जनमध्ये येईल. ज्यामध्ये स्पोर्टी लूक असेल. अंदाजे किंमत ₹45 लाख ते ₹50 लाख (एक्स-शोरुम) च्या आसपास असु शकते. यामध्ये 2.0-लीटर TSI टर्बो-पेट्रोल इंजिन असेल. जे 204hp पावर आणि 320Nm टॉर्क जेनरेट करते.

हे पॉवरट्रेन 7-स्पीड DSG ऑटोमैटिक गियरबॉक्स आणि 4MOTION AWD सिस्टमसह येईल. फीचर्समध्ये 19-इंच अलॉय व्हील्स, LED हेडलँप्स आणि कनेक्टेड टेललँप्स, 15-इंच टचस्क्रीन, 10.25-इंच डिजिटल इंस्ट्रूमेंट क्लस्टर, थ्री-झोन क्लायमेट कंट्रोल, पॅनोरॅमिक सनरुफ, व्हेंटिलेटेड आणि मसाजिंग फ्रंट सीट्स, एम्बिएंट लायटिंग, 360-डिग्री कॅमेरा आणि लेव्हल 2 ADAS चा समावेश आहे. ती Skoda Kodiaq  आणि Jeep Meridian ची थेट स्पर्धक असेल.

2026 च्या पहिल्या सहामाहीत, म्हणजे मार्च ते जून दरम्यान लाँच होण्याची अपेक्षा आहे. स्कॉर्पिओ-एन 2022 मध्ये भारतीय बाजारात लाँच करण्यात आली होती आणि आता तिला मिड-लाइफ अपडेट मिळत आहे. किंमत सध्याच्या मॉडेलपेक्षा थोडी जास्त असेल, जी 14 लाख ते 25 लाख रुपयांच्या दरम्यान असण्याची अपेक्षा आहे. यात नवीन हेडलॅम्प, ग्रिल, टेललाइट्स आणि नवीन 18-इंच अलॉय व्हील्ससारखे कॉस्मेटिक बदल असतील.

इंटीरियरमध्ये मोठा 10.25-इंच टचस्क्रीन, अपडेटेड डिजिटल क्लस्टर, नवीन अपहोल्स्ट्री, पॉवर ड्रायव्हर सीट आणि जास्त फीचर्स येतील. इंजिन तेच 2.0-लीटर टर्बो-पेट्रोल आणि 2.2 लीटर टर्बो-डिझेल राहील, मॅन्युअल आणि ऑटोमॅटिक ट्रान्समिशनसह 4WD ऑप्शनही सादर केला जाईल. यामध्ये ADAS लेवल-2, Sony साउंड सिस्टम आणि ड्यूअल-झोन AC सारखे फीचर्स वाढतील.