E Bike Taxi: राज्यात आता ई-बाईक टॅक्सी सुरू होणार, पहिल्या 1.5 किमीसाठी भाडे जाहीर

“महाराष्ट्र बाईक टॅक्सी नियम, २०२५” अंतर्गत राज्यात सेवा देणाऱ्या इलेक्ट्रिक दुचाकी वाहनांचे भाडेदर जाहीर केले आहे.  राज्यात सदर भाडेदरामध्ये एकसूत्रता, समानता असावी यासाठी राज्य परिवहन प्राधिकरणाने बैठकीत “महाराष्ट्र बाईक टॅक्सी नियम, २०२५” अंतर्गत राज्यात सेवा देणाऱ्या इलेक्ट्रिक दुचाकी वाहनांचे भाडेदर प्रति कि.मी. १०.२७ रुपयेप्रमाणे आकारणी करण्यास मान्यता दिली. ॲग्रीगेटर बाईक टॅक्सीचा पहिला टप्पा १.५ कि.मी. असल्यामुळे पहिल्या टप्याचे भाडे १५ रुपये असेल आणि त्यानंतर पुढील प्रत्येक किलोमीटर दराप्रमाणे आकारणी करण्यात येईल.