Thar आता विसरा, महिंद्रा आणतेय Bolero नव्या रुपात, लूकमुळे मार्केटमध्ये धुरळा! 

महिंद्राची बोलेरो ही ग्रामीण भागातील आलिशान एसयूव्ही ठरली आहे. पण आता हीच बोलेरो आपली ओळख पुसणार आहे. कारण, बोलेरो ही एखाद्या आलिशान एसयूव्ही सारखी लाँच होणार अशी चर्चा सोशल मीडियावर रंगली आहे. नव्या बोलेरोचे फोटो काही लिक झाले आहे. या फोटोवरून बोलेरोमध्ये अनेक मोठे बदल झाल्याचं पाहण्यास मिळत आहे.

नव्या बोलेरोमध्ये अनेक छोटेमोठे बदल केल्याचं फोटोवरून स्पष्ट दिसत आहे. आपल्या बॉक्स स्टाइल डिझाइन असलेल्या बोलेरोची ओळख आता नवीन असणार आहे. नवीन बोलेरोची साइड प्रोफाइल आणखी मस्कुलर झाली आहे.  फ्लॅट बोनट सुद्धा पाहण्यास मिळाला आहे. या शिवाय नवी  राउंड शेपमधील एलईडी हेडलॅम्प्स दिले आहे.  फ्रंटमध्ये वर्टिकल स्लॅट ग्रिल दिली आहे, त्यामुळे बोलेरो ही आधीच्या बोलेरोपेक्षा वेगळी दिसणार आहे. मागच्या बाजूला मात्र प्लेन डिझाइन आहे. ज्यामध्ये व्हर्टिकल प्लेस्ड टेललॅम्प्स दिले आहे. मागच्या दारावर थार सारखं स्पेअर व्हिल सुद्धा पाहण्यास मिळेल, अशी शक्यता आहे.

नवीन बोलेरोमध्ये सेफ्टी फिचर्सची कोणतीही कमी नसणार आहे. ६ एअरबॅग्स आणि इतर सेफ्टी फिचर्ससही ही बोलेरो लेस असेल. यामध्ये ORVMs,फ्लश-टाइप डोअर हँडल्स आणि मोठे टायर्स सुद्धा दिले आहे. ही एक रफ अँड टफ SUV च्या रुपाने पाहण्यास मिळेल. शहरात आणि हायवेवरही ही एसयूव्ही वापरता येईल.

मिळालेल्या माहितीनुसार, नवीन बोलेरो ही नव्या NFA प्लॅटफॉर्मवर तयार करण्यात आली आहे. नवीन मॉडेल  पेट्रोल आणि डिझेल इंजिनमध्ये येईल. पण कंपनीकडून अद्याप याबद्दल कोणतीही माहिती देण्यात आली नाही.  किंमतीबद्दल  2026 Mahindra Bolero  भारतात 10 लाख रुपयांपासून सुरू होईल. लवकरच महिंद्राकडून नव्या बोलेरोची झलक पाहण्यास मिळणार आहे. याच वर्षा अखेरीस ही बोलेरो लाँच केली जाईल, अशी शक्यता आहे.