Maruti ने अखेर डाव टाकला, पहिली इलेक्ट्रिक SUV केली लाँच, किंमतही केली जाहीर

ई विटारा दोन बॅटरी पर्यायांमध्ये उपलब्ध आहे. एंट्री-लेव्हलमध्ये ४९ किलोवॅट क्षमतेची बॅटरी आहे, तर टॉप व्हेरिएंटमध्ये ६१ किलोवॅट क्षमतेची बॅटरी आहे.  ४९ किलोवॅट क्षमतेचं हे मॉडेल १४२ बीएचपी आणि १९२.५ एनएम टॉर्क जनरेट करते आणि फ्रंट-व्हील-ड्राइव्ह सेटअपसह सिंगल मोटरसह येतं.  तर ४९ किलोवॅट क्षमतेचे हे मॉडेल WLTP फॉरमॅटमध्ये ३४६ किमीची रेंज देते. मोठी ६१ किलोवॅट क्षमतेची बॅटरी सिंगल आणि ड्युअल मोटर ट्रिममध्ये उपलब्ध आहे. सिंगल मोटर मॉडेल १७२ बीएचपी आणि १९२.५ एनएम आउटपुट करते आणि ४२८ किमी पर्यंतची ड्राइव्ह रेंज देते. ट्विन मोटर व्हर्जन १७५ बीएचपी आणि ३०० एनएमचा पीक टॉर्क आउटपुट देते. त्याची ४१२ किमी (डब्ल्यूएलटीपी) ची रेंज असल्याचा दावा केला आहे.

ई विटारा ही भारतातील पहिली मारुती सुझुकी एसयूव्ही आहे. जी लेव्हल २ एडीएएसने सज्ज असेल. याशिवाय, या एसयूव्हीमध्ये 7 एअरबॅग्ज, टायर प्रेशर मॉनिटरिंग सिस्टम, फ्रंट आणि रियर पार्किंग सेन्सर्स, ३६०-डिग्री कॅमेरा आणि इतर सुरक्षा फिचर्स दिले आहेत. ई विटारा दोन प्रकारांमध्ये उपलब्ध आहे, जे पाच मॉडेलमध्ये विभागले गेले आहेत. ४९ किलोवॅट क्षमतेची लहान बॅटरी फक्त मोशन प्रकारांमध्ये उपलब्ध आहे, तर ऑल-व्हील-ड्राइव्ह आवृत्ती मोशन आणि अल्ट्रा दोन्ही प्रकारांमध्ये उपलब्ध आहे. ई विटारा ह्युंदाई क्रेटा इलेक्ट्रिक, महिंद्रा BE-6, टाटा curvv EV आणि MG ZS ईव्हीशी स्पर्धा करेल.