Car: 84 लाखांची मर्सिडीज फक्त 2.50 लाखांना विकली, BJP सरकारच्या निर्णयामुळे 'तो' ढसाढसा रडला!

आपल्या दारात आलिशान किंवा दमदार अशी कार उभी असावी असं प्रत्येकाचं स्वप्न असतं. त्यात जर मग  बीएमडब्ल्यू, मर्सिडीज किंवा ऑडी असेल तर विषयच नाही. काही जणांचं हे स्वप्न स्वप्नचं राहतं पण, हे स्वप्न पूर्ण करणारे फार कमी लोक असतात. कारण या गाड्यांची किंमतच तशी आहे. सहसा, आलिशान कार खरेदी करण्यासाठी तुम्हाला ५० लाखांपासून ते अनेक कोटी रुपये खर्च करावे लागू शकतात. पण कल्पना करा, जर तुम्ही खूप मेहनत करून आणि लाखो रुपये खर्च करून एक आलिशान कार खरेदी केली आणि ती कवडीमोल भावात विकावी लागली तर? दचूक नका, दिल्लीमध्ये एका वरुण विज नावाच्या व्यक्तीसोबत सरकारी नियमामुळे हा किस्सा घडला आहे.