6.14 लाखांच्या कारवर मिळतंय 86000 चं डिस्काउंट! ऑफर फक्त काही दिवस

निसान मोटर इंडिया त्यांच्या मॅग्नाइटवर 86,000 रुपयांपर्यंतची सूट देत आहे. आता तुम्हाला प्रश्न पडला असेल की एवढी मोठी सूट का दिली जात आहे? खरं तर, कंपनी दोन लाख युनिट्सची विक्री पूर्ण झाल्याच्या आनंदात ती देत ​​आहे. 86 हजारांच्या या सूटबद्दल अधिक माहितीसाठी, तुम्ही निसान डीलरशिपशी संपर्क साधू शकता. सवलतीव्यतिरिक्त, इतर अनेक फायदे दिले जात आहेत.

दिल्लीमध्ये Nissan Magniteची एक्स-शोरूम किंमत 6.14 लाख ते 10.54 लाख रुपयांपर्यंत आहे. त्यात 1.0 लिटर पेट्रोल इंजिन आहे. तसेच, ही कार सीएनजीमध्ये देखील उपलब्ध आहे. पेट्रोल व्हर्जनपेक्षा ती 75,000 जास्त महाग आहे. सीएनजी मॉडेलची किंमत 6.89 लाख रुपये आहे. मॅग्नाइट सीएनजीच्या मायलेजबद्दल अद्याप कोणतीही माहिती मिळालेली नाही, परंतु शहरात ती 24km/kg मायलेज देऊ शकते अशी अपेक्षा आहे.