गाडी घ्यायचा प्लॅन आता महागात पडणार! 10 लाखाच्या गाडीला भरावा लागणार इतका टॅक्स!

महाराष्ट्र सरकारच्या नवीन कर धोरणांत आता वाहनांवरील कर हे त्यांच्या किमतीच्या आधारे निश्चित करण्यात आले आहेत. त्यानुसार 10 लाख रुपयांपर्यंतच्या वाहनांना 11 टक्के, 10 ते 20 लाखांपर्यंत 12 टक्के आणि 20 लाखांपेक्षा जास्त किमतीच्या वाहनांवर 13 टक्के कर भरावा लागेल.

सध्या डिझेलवर चालणाऱ्या 10 लाख रुपयांपेक्षा कमी किमतीच्या वाहनांना 13 टक्के कर आकारला जातो. 10 ते 20 लाख रुपयांपर्यंतच्या वाहनांसाठी 14 टक्के आणि 20 लाख रुपयांपेक्षा जास्त किमतीच्या वाहनांसाठी 15 टक्के कर आकारला जातो. आता यामध्ये 1 टक्क्याने वाढ होणार आहे.

नव्या कररचनेत सीएनजी आणि एलएनजी वाहनांना देखील 1 टक्के करवाढ करण्यात आलीये. सध्या 10 लाख रुपयांपर्यंतच्या सीएनजी वाहनांवर 7 टक्के कर आकारला जातो. त्यानुसार 10 लाख रुपयांची सीएनजी कार घेतल्यास सध्याचा कर 70 हजार रुपये होतो. नवीन कररचनेत आता 80 हजार रुपये मोजावे लागणार आहेत. तसेच 20 लाख रुपयांपर्यंतच्या सीएनजी वाहनांचा सध्याचा कर 1.4 लाख रुपयांवरून 1.6 लाख रुपये होईल. 10 लाख ते 20 लाख रुपये किमतीच्या वाहनांसाठी 12 टक्के आणि 20 लाख रुपयांपेक्षा जास्त किमतीच्या वाहनांसाठी 13 टक्के कर आकारला जातो.