Trending:

Bank Of Maharashtra Bharati : बँक ऑफ महाराष्ट्रमध्ये 172 पदांची भरती! महिन्याला मिळणार 1,73,000 रु पगार, अर्ज कुठे आणि कसा कराल?

Published by:Ajit Bhabad

Last Updated:January 31, 2025 10:38 AM IST

Bank of Maharashtra Recruitment 2025 : बँक ऑफ महाराष्ट्रमध्ये नोकरी करण्याची इच्छा असणाऱ्या तरुणांसाठी आनंदाची बातमी आहे. बँकेने अधिकारी या पदांसाठी 172 पदांची भरती जाहीर केली आहे. याबाबतची अधिकृत जाहिरात प्रसिद्ध करण्यात आली आहे. उमेदवार बँक ऑफ महाराष्ट्रच्या अधिकृत वेबसाइट bankofmaharashtra.in वर ऑनलाइन अर्ज करू शकतात.

इम्पॅक्ट शॉटतुमचा गेटवे लेटेस्ट न्यूज

मुंबई : बँक ऑफ महाराष्ट्रमध्ये नोकरी करण्याची ईच्छा असणाऱ्या तरुणांसाठी आनंदाची बातमी आहे. बँकेने अधिकारी या पदांसाठी 172 पदांची भरती जाहीर केली आहे. याबाबतची अधिकृत जाहिरात प्रसिद्ध करण्यात आली आहे. उमेदवार बँक ऑफ महाराष्ट्रच्या अधिकृत वेबसाइट bankofmaharashtra.in वर ऑनलाइन अर्ज करू शकतात. अर्जाची करण्याची तारीख 29 जानेवारी ते 17 फेब्रुवारीपर्यंत असणार आहे. मग आता या भरती प्रक्रियेची पात्रता, निवड प्रक्रिया, अर्ज कसा करावा याबद्दलची माहिती जाणून घेऊ..

पात्रता निकष काय आहेत?

बँक ऑफ महाराष्ट्रच्या या भरतीसाठी, उमेदवारांकडे संबंधित विषयात पदवी किंवा संगणक विज्ञान किंवा माहिती तंत्रज्ञानात बीई / बीटेक पदवी किंवा किमान 60 % गुणांसह एमसीए पदवी असणे आवश्यक आहे.

निवड प्रक्रिया कशी केली जाणार?

निवड परीक्षा (आवश्यक असल्यास) आणि वैयक्तिक मुलाखत / चर्चेद्वारे केली जाईल. उमेदवाराची पात्रता, योग्यता / अनुभव इत्यादींच्या संदर्भात पात्र उमेदवारांची निवड करण्यासाठी बँकेकडून अर्जांची प्राथमिक तपासणी केली जाऊ शकते. अंतिम निवड वैयक्तिक मुलाखत / चर्चेत उमेदवाराने मिळवलेल्या गुणांच्या आधारे केली जाईल. वैयक्तिक मुलाखतीसाठी गुणांचे वाटप 100 आहे. मुलाखतीत पात्र होण्यासाठी उमेदवाराने किमान 50 गुण (एससी/एसटी/पीडब्ल्यूडीच्या बाबतीत 45) मिळवले पाहिजेत.

अर्ज शुल्क किती?

युआर/ईडब्ल्यूएस/ओबीसी प्रवर्गासाठी अर्ज शुल्क ₹1180/- आणि एससी/एसटी/पीडब्ल्यूडी प्रवर्गासाठी अर्ज शुल्क ₹118/- आहे. हे पेमेंट ऑनलाइन पद्धतीने करावे लागेल.

हेल्पलाइन क्रमांक

ऑनलाइन अर्ज भरण्यात कोणतीही समस्या असल्यास, शुल्क/सूचना शुल्क भरण्यात, मुलाखत कॉल लेटर हेल्पडेस्क क्रमांक ०२०-२५६१४५६१ वर संपर्क साधावा. तसेच bomrpcell@mahabank.co.in या ईमेलवर अर्ज दाखल करता येईल. तसेच अधिक माहितीसाठी उमेदवार बँक ऑफ महाराष्ट्रची अधिकृत वेबसाइट पाहू शकतात.

view comments