Byju : लाखो मुलांना ऑनलाइन शिकवलं, शाहरुखनेही केली होती जाहिरात; आज कंपनीवर कार्यालयं बंद करण्याची वेळ!

बायजू ही ऑनलाइन एज्युकेशन कंपनी गेल्या काही महिन्यांपासून मोठ्या आर्थिक संकटात आहे. काही महिन्यांपूर्वी कंपनीने कर्मचारी कपातही केली होती. गुंतवणूकदारांशी वाद सुरू असल्याने संकटात सापडलेल्या या कंपनीला सुमारे 20 हजार कर्मचाऱ्यांना फेब्रुवारी महिन्याचा पगार देता आलेला नाही. आर्थिक संकटात सापडलेल्या कंपनीने आता आणखी एक मोठं पाऊल उचललं आहे. बायजूने आपली सर्व कार्यालयं बंद केली आहेत आणि सर्व कर्मचाऱ्यांना गरजेनुसार आपापल्या घरून काम करण्याचे आदेश देण्यात आले आहेत.