आता शिक्षकांचीच शाळा! शिक्षण विभागाचा नवा आदेश, बुट्टी मारणं होणार अवघड

गोंदिया: राज्यातील अनुदानास पात्र शाळातील शिक्षक आणि विद्यार्थ्यांसाठी शिक्षण विभागाने महत्त्वाचा निर्णय घेतला आहे. आता विद्यार्थ्यांसोबतच शिक्षकांची देखील शाळा घेतली जाणार आहे. त्यामुळे शाळेतून अर्ध्यावर बुट्टी मारणे अवघड होणार आहे. राज्यातील अनुदानास पात्र शाळांमधील शिक्षक, शिक्षकेतर कर्मचारी आणि विद्यार्थी यांची उपस्थिती बायोमेट्रिक अथवा चेहरा ओळख प्रणालीद्वारे नोंदवण्याचे निर्देश शिक्षण विभागाने दिले आहेत. तसेच ही अट पूर्ण न करणाऱ्या शाळा, शिक्षकांवर कारवाईचा इशारा देण्यात आला आहे.