पगार 1 लाख 40 हजार, ग्रॅज्युएट तरुणांसाठी सरकारी नोकरीची संधी, पाहा कुठे करायचा अर्ज

रामागुंडम फर्टिलायझर्स अँड केमिकल्स लिमिटेड कंपनीमध्ये इंजिनीअर, मेडिकल ऑफिसर यासह विविध पदांसाठी भरती प्रक्रिया राबवण्यात येत आहे. इच्छुक उमेदवार या पदांसाठी 31 मार्च 2024 पर्यंत कंपनीच्या अधिकृत वेबसाईटवरून rfcl.co.in अर्ज करू शकतात.

एकूण 27 जागांसाठी भरती

कंपनीने इंजिनीअर, मेडिकल ऑफिसर आणि केमिकल लॅबसह विविध पदांसह एकूण 27 रिक्त जागांसाठी अर्ज मागवले आहेत. ऑनलाईन अर्ज केल्यानंतर त्याची एक प्रत पोस्टाद्वारे कंपनीच्या पत्त्यावर पाठवावी लागेल. अर्ज करणाऱ्या उमेदवाराचं वय 30 वर्षांपेक्षा जास्त नसावं. वयोमर्यादा शिथिलतेबाबत अधिक माहिती कंपनीच्या वेबसाईटवर देण्यात आली आहे. खुल्या, ओबीसी आणि ईडब्ल्यूएस प्रवर्गातील उमेदवारांना 700 रुपये अर्जाचं शुल्क भरावं लागेल. तर, एससी आणि एसटी प्रवर्गांतील उमेदवारांना कोणतंही शुल्क भरावं लागणार नाही.

असा करा अर्ज

कंपनीची अधिकृत वेबसाइट rfcl.co.in वर जा.

होम पेजवर दिलेल्या ‘करिअर टॅब’वर क्लिक करा.

येथे ‘नोटिफिकेशन’ या लिंकवर क्लिक करा.

आता ‘अप्लाय’ या लिंकवर क्लिक करा.

रजिस्ट्रेशन करा व तुमची माहिती भरा.

कागदपत्रं अपलोड करा आणि शुल्क भरा.

उमेदवाराची शैक्षणिक पात्रता

इंजिनीअरिंग पदासाठी अर्ज करणाऱ्या उमेदवारांकडे संबंधित विषयातील बी.टेक किंवा बीई पदवी असावी. तर सीनिअर केमिस्ट पदासाठी एमएससी केमिस्ट पदवी असणं आवश्यक आहे. मेडिकल ऑफिसर पदासाठी उमेदवाराने एमबीबीएस पदवीसह संबंधित विषयात एमडी किंवा एमएस केलेलं असावं. योग्य शैक्षणिक पात्रता असलेल्या उमेदवारांची कागदपत्रांची छाननी केल्यानंतर त्यांना मुलाखतीसाठी बोलवण्यात येईल. त्यानंतर मुलाखतीद्वारे नोकरीसाठी अंतिम उमेदवारांची यादी निवडण्यात येईल.

दरम्यान, इंजिनीअरिंग पूर्ण झाल्यानंतर नोकरीच्या शोधात असणाऱ्यांसाठी ही एक उत्तम संधी आहे. निवड झालेल्या उमेदवारांना पगारही चांगला देण्यात येत आहे. या भरती प्रक्रियेच्या अधिक माहितीसाठी तुम्ही कंपनीच्या अधिकृत वेबसाइटला भेट देऊ शकता.