शॉर्टकट वापरू नका! अन्यथा कट होतील मार्क, बारावी गणिताच्या पेपरसाठी लक्षात ठेवा ट्रिक्स

छत्रपती संभाजीनगर : माध्यमिक व उच्च माध्यमिक शिक्षण मंडळाच्या इयत्ता बारावीच्या परीक्षा आता लवकर सुरू होणार आहेत. बारावीची परीक्षेत गणितासारख्या विषयाचं विद्यार्थी टेन्शन घेतात. परंतु, पेपर सोडवताना काही ट्रिक्स वापरल्यास या विषयात देखील पैकीच्या पैकी मार्क मिळू शकतात. छत्रपती संभाजीनगर येथील प्राध्यापक प्रताप काशीद यांनी लोकल18 च्या माध्यमातून अशाच काही सोप्या ट्रिक्स सांगितल्या आहेत.

गणिताचा पेपर सोडविताना विद्यार्थ्यांनी अत्यंत काळजीपूर्वक पेपर सोडवला पाहिजे. विद्यार्थ्यांनी सराव करताना पाठ्यापुस्तकातील सर्व प्रश्न सोडवले पाहिजेत. कारण बोर्डाच्या परीक्षेत पाठ्यपुस्तकातील प्रश्नांवर आधारित प्रश्नच प्रामुख्याने विचारले जातात. त्यामुळे पाठ्यपुस्तकातील कोणताही प्रश्न सोडून देऊन नये. सर्वच्या सर्व प्रश्न अभ्यासावेत. त्यामुळे परीक्षेची पूर्वतयारी चांगली होईल, असं प्राध्यापक सांगतात.