मजूराच्या मुलाला Air Force ची नोकरी, बापाच्या हातात ठेवलं Joining Letter, डोळ्यांत पाणी आणणारा क्षण..

रविच्या कुटुंबाची आर्थिक परिस्थिती हलाखीची होती. त्यामुळे त्याने मुलांची शिकवणीही घेतली. त्याने आपली स्वप्ने पूर्ण करण्यासाठी कोचिंग संस्थेत प्रवेश घेतला. त्याला कोचिंगला जाण्यासाठी रोज पहाटे 4 वाजता घरातून निघावे लागायचे. कोचिंगला जाण्यासाठी त्याला 15 किमी सायकल चालवावी लागायची. अनेक दिवस अशाप्रकारे त्याने मेहनत केली आणि शेवटी त्याला यश मिळाले. मेहनतीला फळ मिळाले आणि त्याची भारतीय वायुसेनेत निवड झाली, अशी माहिती त्याने दिली.

कोचिंग संस्था चालवणारे मयंक शर्मा यांनी सांगितले की, त्याची आर्थिक परिस्थिती चांगली नव्हती. त्यामुळे त्यांनी त्याला फ्रीमध्ये कोचिंग देण्याचे आश्वासन दिले होते. यानंतर रविने अत्यंत मेहनत करुन आज हे यश मिळवले. ज्यांची आर्थिक परिस्थिती चांगली नसते त्यांच्याकडून फी घेत नसल्याचे त्यांनी सांगितले. रविचीही परिस्थिती तशीच होती. आज त्याची निवड झाल्यानंतर मला विशेष आनंद होत आहे, असे ते म्हणाले.