करिअरला मिळेल नवा आयाम; कोल्हापुरातील शिवाजी विद्यापीठात शिका आता पोर्तुगीज भाषा

नुकताच शिवाजी विद्यापीठातील विदेशी भाषा विभागाने पोर्तुगाल देशातील लिस्बन येथील ‘द कमॉइश इन्स्टिट्यूट फॉर कोऑपरेशन अँड लँग्वेज’ यांच्याशी सामंजस्य करार करण्यात आहे. त्यामुळे आता या कराराअंतर्गत शिवाजी विद्यापीठाच्या विद्यार्थ्यांना आता पोर्तुगीज भाषा शिकता येणार आहे. ‘द कमॉइश इन्स्टिट्यूट फॉर कोऑपरेशन अँड लँग्वेज’, ही संस्था पोर्तुगाल देशाची अधिकृत आंतरराष्ट्रीय संस्था आहे. भारतात पोर्तुगीज भाषा आणि संस्कृतीच्या अभ्यास आणि प्रसारासाठी समर्पित कार्य या संस्थेकडून केले जाते. तसेच या संस्थेमार्फत पोर्तुगीज भाषेचे विविध अभ्यासक्रमही चालतात.

दरम्यान 2019 मध्ये शिवाजी विद्यापीठात पोर्तुगीज भाषेचा एक वर्षाचा प्रमाणपत्र अभ्यासक्रम सुरु करण्यात आला होता. मात्र कोरोना काळात तो थांबवण्यात आला होता. त्यामुळे आता पुन्हा डिसेंबर 2023 पासून शिवाजी विद्यापीठातील पोर्तुगीज भाषा अभ्यासक्रम सुरु झाला असून त्याचा लाभ सर्वच इच्छुक विद्यार्थ्यांनी घ्यायला हवा.