MPSC परीक्षेत तृतीयपंथी उमेदवारांसाठी नवे नियम, पाहा कशी असेल शारीरिक चाचणी?

पिंपरी चिंचवड मधील निकिता मुख्यदल ही तृतीयपंथी महिला कधीकाळी नितीन मुख्यदल होती. तिने आपलं लिंग बदल करून महिला होण्याचा निर्णय घेतला. तोच नितीन आज निकिता झाला. लिंग निवडण्याच्या अधिकाराची लढाई निकिताने जिंकली. मात्र समाजात तृतीपंथीयांची होणारी उपेक्षा लक्षात आल्यानंतर तिने स्वतः ला सिद्ध करण्याचे ठरवले. थेट पोलीस दलात भरती होण्याचा निर्णय घेतला. त्यानुसार जीवतोड मेहनत करून 2022 मध्ये झालेल्या पोलिस भरती प्रक्रियेत सहभाग घेतला. मात्र पोलिस होऊ इच्छिणाऱ्या तृतीय पंथीयांसाठीचे शारीरिक निकष निश्चित नसल्याने निकिता भरती प्रक्रिया पूर्ण करू शकली नाही.

निकिता प्रमाणेच समाजाच्या मुख्य प्रवाहात येण्यासाठी अनेकजणी अहोरात्र मेहनत करतात. महाराष्ट्र लोकसेवा आयोगाची मुख्य परीक्षा देणारी वीणा काशीद ही आधी विनायक काशीद होती. तृतीय पंथीयांमध्ये आज राज्यातील सर्वाधिक उच्च शिक्षित असलेल्या वीणाने पोलिस होऊन आपल्या समाजाला न्याय मिळवून देण्याचं ठरवलं. त्यासाठी मॅट अर्थात महाराष्ट्र प्रशासन न्यायाधिकरण मार्फत न्यायालयीन लढा जिंकून पोलीस दलातील पोलीस उपनिरीक्षक पद राखीव देखील करून घेतलं, मात्र लोकसेवा आयोगाच्या मुख्य परीक्षेत सर्वाधिक गुण मिळवून देखील मागील दोन वर्षांपासून तिचा देखील निकाल राखून ठेवला आहे. त्यामुळे वीणाने प्रशासकीय यंत्रणेच्या हेतुवर प्रश्नचिन्ह उपस्थित करत संताप व्यक्त केलाय.

1) गोळा फेक वजन - 7.260 कि. ग्रॅ. गुण - 15

1) गोळा फेकवजन - 4 कि. ग्रॅ. गुण - कमाल गुण - 20