इथं घडले बाबासाहेब! आंबेडकरांची साताऱ्यातील शाळा पाहिली का? आजही घडतायेत विद्यार्थी, Video

सातारा: भारतरत्न डॉ. बाबासाहेब आंबेडकर यांची 133 वी जयंती सर्वत्र साजरी होत आहे. बाबासाहेबांच्या जीवनात शिक्षणाला सर्वाधिक महत्त्व आहे. त्यामुळेच त्यांनी समाजाला 'शिका, संघटित व्हा आणि संघर्ष करा' असा मूलमंत्र दिला. बाबासाहेबांच्या जीवनातील प्रत्येक गोष्टीबद्दल अनेकांना कुतुहल असतं. त्यांनी जगभरातील नामांकित संस्थांमधून शिक्षण घेतलं. पण त्यांच्या प्राथमिक शिक्षणाबद्दल अनेकांना माहिती नसेल. साताऱ्यातील श्रीमंत्र छत्रपती प्रतापसिंह हायस्कूल येथे बाबासाहेबांनी प्राथमिक शिक्षणाचे धडे घेतले. विशेष म्हणजे ही शाळा आजही विद्यार्थी घडवण्याचे काम करतेय.

दरम्यान, 'शिक्षण हे वाघिणीचे दूध आहे, ते जो प्राशन करील तो गुरगुरल्याशिवाय राहणार नाही' ही शिक्षणविषयक भूमिका बाबासाहेब आंबेडकर यांची होती. हेच बाबासाहेब पुढे भारतीय राज्यघटनेचे शिल्पकार झाले. त्यांच्या शिक्षणाची पायाभरणी साताऱ्यातून झाली. श्रीमंत छत्रपती प्रतापसिंह हायस्कूल आजही याची साक्ष देत आहे.