Teacher Recruitment: शिक्षक भरतीसाठी अभियोग्यता आणि बुद्धिमापन चाचणी जाहीर, कधी होणार TAIT परीक्षा? संपूर्ण माहिती

शिक्षक भरती चाचणी परीक्षेसाठी ऑनलाईन अर्ज करताना नावाची नोंद ही आधार कार्डमधील नोंदीप्रमाणे असावी. परीक्षेच्या वेळी, निवड प्रक्रियेच्या कोणत्याही टप्प्यावर ओळखपत्र म्हणून आधार कार्ड दाखवणे अनिवार्य असणार आहे. ऑनलाईन अर्जातील नावात आणि आधारकार्डवरील नावाच्या नोंदीत कोणतीही तफावत आढळल्यास उमेदवारी रद्द करण्यात येईल. अर्ज सादर करताना उमेदवाराने तीन परीक्षा केंद्रांची निवड करणे अनिवार्य आहे. उमेदवारांना अधिक माहिती http://www.mscepune.in/ या वेबसाईटवर देण्यात आली आहे.

“परीक्षा परिषदेने 2018 आणि 2019 मध्ये झालेल्या टीईटी परीक्षेतील गैरप्रकारात समाविष्ट असलेल्या उमेदवारांची यादी प्रसिद्ध केली आहे. उमेदवारांनी या यादीत आपले नाव आहे की नाही, याची खात्री करावी. तसेच वस्तुनिष्ठ माहिती अर्जात भरावी. या अर्जात भरलेली माहिती चुकीची असल्याचे निदर्शनास आल्यास कोणत्याही टप्प्यावर संपादणूक रद्द करण्यात येईल,” असेही ओक यांनी स्पष्ट केले आहे.