15 वर्षे केली नोकरी, पण उपचारासाठी मिळाली नाही सुट्टी, शेवटी महिलेने राजीनामा देत घेतला मोठा निर्णय...

करनाल : प्रत्येक महिलांच्या आयुष्यात विविध प्रसंग येत असतात. नोकरी करणाऱ्या महिलेलाही विविध प्रसंगांना सामोरे जावे लागते. अशावेळी काही महिला या खचून जातात. तर काही महिला या जिद्दीने नव्या प्रवासाची सुरुवात करतात आणि त्यात यशस्वी होऊन दाखवतात. आज अशाच एका महिलेच्या कर्तृत्त्वाची कहाणी आपण आज जाणून घेणार आहोत.

करनालच्या कर्ण विहार येथील रहिवासी असलेल्या खुशबू यांची ही कहाणी आहे. त्यांनी आपल्या आयुष्यातील 15 वर्षे मुलांच्या शिक्षणासाठी दिली. मात्र, एक वेळ अशी झाली की त्या आजारी पडल्या. त्यामुळे त्यांना उपचारासाठी सुट्टी हवी होती. मात्र, त्यांना शाळेने जास्त सुट्टी दिली नाही.

या कारणामुळे त्यांनी शाळेतील नोकरीचा राजीनामा दिला. मात्र, त्यांना मुलांची आवड असल्याने त्यांनी आपल्या घरीच मुलांसाठी प्ले स्कूल सुरू केले. आता त्या मुलांसोबतही राहतात आणि या माध्यमातून आपली उपजीविकाही भागवत आहेत.

खुशबू यांनी सांगितले की, मागील दीड वर्षांपासून त्या आपल्या घरीच प्ले स्कूल चालवत आहेत. मागच्या वर्षी त्यांच्याकडे 15 विद्यार्थी होते. त्यांनी आपल्या प्ले स्कूलचे नाव Happy Mind Play Way स्कूल असे ठेवले आहे. आता त्यांच्या शेजारच्या लोकांना आपल्या मुलांनाही कुठेही दूर पाठवावे लागत नाही. कमी पैशात त्यांना आपल्या मुलासाठी चांगले प्ले स्कूल उपलब्ध झाले आहे. याठिकाणी त्यांची मुले येऊ शकतात आणि शिकू शकतात. त्यामुळे त्यांच्या आजूबाजूची लोक खूप आनंदी आहेत.