स्कॉर्पिओमधून आले अन् कोयत्याने केले वार, कराडच्या ईदगाह मैदानावर रक्तरंजित राडा

विशाल पाटील, प्रतिनिधी सातारा: सातारा जिल्ह्यातील कराड इथं एक धक्कादायक घटना उघडकीस आली आहे. येथील ईदगाह मैदानावर गप्पा मारत बसलेल्या एका तरुणावर जीवघेणा हल्ला करण्यात आला आहे. स्कॉर्पिओमधून आलेल्या पाच जणांनी लाथा बुक्क्यांसह चाकू आणि कोयत्याने हा हल्ला केला आहे. या हल्ल्यात संबंधित युवक गंभीर जखमी झाला असून त्याच्यावर रुग्णालयात उपचार सुरू आहेत. याप्रकरणी पोलिसांनी पाच जणांवर गुन्हा दाखल करत सर्व आरोपींना बेड्या ठोकल्या आहेत.