दरोडा टाकायला आले, रक्तबंबाळ करत बापलेकाला संपवलं, शिर्डीतील डबल मर्डरचं गूढ समोर

शनिवारी मध्यरात्री साडे अकराच्या सुमारास शिर्डी विमानतळाजवळील एका वस्तीतील घरात घुसून काही अज्ञातांनी घरातील तिघांवर जीवघेणा हल्ला केला होता. हा हल्ला इतका भयंकर होता की यात बापलेकाचा रक्तबंबाळ अवस्थेत मृत्यू झाला. तर मयताची आई गंभीर जखमी झाल्या. साहेबराव पोपट भोसले (वय वर्षे 60) आणि मुलगा कृष्णा साहेबराव भोसले (वय वर्षे 30) अशी मयतांची नावे असून साखरबाई साहेबराव भोसले या गंभीर जखमी झाल्या. साखरबाई यांच्यावर रुग्णालयात उपचार सुरू आहेत.