नवरा-बायकोचं भांडण, पोटच्या मुलाला गाडीतून बाहेर फेकलं; संतापजनक VIDEO VIRAL

या व्हिडिओमध्ये एक जोडपं रस्त्याच्या मधोमध भांडताना दिसत आहे. आश्चर्याची बाब म्हणजे या दाम्पत्याने लहान मुलाला रस्त्यावर एकटं सोडलं. व्हिडिओ पाहिल्यानंतर तुम्हालाही राग येईल.

व्हायरल व्हिडिओमध्ये एक व्यक्ती अचानक कारमधून उतरताना दिसत आहे. यानंतर तो मागील गेट उघडतो आणि पत्नीचा हात धरून तिला बाहेर काढतो. तो पत्नीला इतका जोरात ओढतो की ती मुलासह रस्त्यावर पडली. नवरा-बायकोचा वाद इतका वाढतो की रस्त्यावर रडताना मुलही दिसत नाही. यावेळी जवळचे लोकही हस्तक्षेप करायला येत नाहीत. प्रत्येकजण दूरवर उभा आहे आणि फक्त पाहत आहे.

दरम्यान, एक व्यक्ती पुढे येऊन रडत असलेल्या मुलाकडे जाते आणि त्या मुलाला उचलून घेते. सोशल मीडियावर व्हायरल झालेला हा व्हिडिओ चीनमधील असल्याचं बोललं जात आहे.

हा व्हिडिओ सोशल मीडिया प्लॅटफॉर्म X वर @NoCapFights नावाच्या युझरने शेअर केला आहे. जे आतापर्यंत सुमारे 40 लाख लोकांनी पाहिलं आहे. या व्हिडिओवर अनेकजण आपल्या प्रतिक्रिया देत आहेत. एका युझरने लिहिले, 'काय भांडण आहे.' दुसऱ्या यूझरने लिहिलं, 'हे खूप वाईट पालक आहेत.'

तुमची या व्हिडीओवरील प्रतिक्रिया आम्हाला आमच्या सोशल मीडियाच्या कमेंट बॉक्समध्ये नक्की द्या.