Aishwarya Narkar : व्ह्यूज वाढवण्यासाठी असे कपडे घालता! ट्रोलर्सची कमेंट, ऐश्वर्या नारकारांचा चढला पारा; अशी केली बोलती बंद

अलीकडेच ऐश्वर्या नारकर यांनी त्यांच्या योगसाधनेचा एक व्हिडिओ सोशल मीडियावर शेअर केला होता. फिटनेस आणि नियमित व्यायामाचा संदेश देण्यासाठी त्यांनी हा व्हिडिओ पोस्ट केला होता. पण या व्हिडिओवर एका नेटकऱ्याने केलेल्या कमेंटमुळे सोशल मीडियावर मोठी चर्चा रंगली.

( OTT Release : थिएटरमध्ये प्रेक्षकांना रडवलं, अगं अगं सूनबाई! काय म्हणताय सासूबाई? आता OTT वर, कधी आणि कुठे )

या व्हिडिओवर एका युझरने कमेंट करत लिहिलं, "निदान कॅमेरासमोर तरी फुल कपडे घालून योगा करत जा मॅडम." या कमेंटकडे दुर्लक्ष न करता ऐश्वर्या नारकर यांनी त्याला थेट दिलं. त्या कमेंटचा स्क्रीनशॉट शेअर करत लिहिलं, "बुरसटलेले विचार सोडा. तुमचा फोकस का हलतोय?" मात्र त्यानंतरही तो युझर थांबला नाही. त्याने पुन्हा मेसेज करत म्हटलं, "याला तुम्ही बुरसटलेले विचार म्हणत असाल तर तुमच्या अकलेची कीव करावीशी वाटते. व्हिडिओला व्ह्यूज वाढवण्यासाठी असे कपडे घालून व्हिडिओ बनवता."

या आरोपांवर ऐश्वर्या नारकर यांनी लिहिलं, "मुद्दा व्यायामाचा आहे. कोणी काय कपडे घालावे हा वैयक्तिक प्रश्न आहे. तुमचं स्टेटमेंट वरून अक्कल कळते आहे तुमची. व्यायाम करा, तो उपयोगी पडेल." यानंतरही त्या युझरने पुन्हा कमेंट करत लिहिलं, "कोणते कपडे घालायचे हा प्रत्येकाचा वैयक्तिक प्रश्न आहे, पण तुमच्या अशा कपड्यांमुळे लहान मुलं बिघडतात त्याचं काय करायचं?" या कमेंटवरही ऐश्वर्या नारकर यांनी सडेतोड प्रतिक्रिया दिली. त्यांनी उत्तर देत लिहिलं, "त्यांना व्यायाम करायला शिकवा म्हणजे विचारांचा समतोल येईल आणि डोकं शाबूत राहिल. नाहीतर तुमच्यासारखे होणार मोठे होऊन."

ऐश्वर्या नारकर यांनी दिलेल्या या सडेतोड उत्तरामुळे सोशल मीडियावर चर्चा रंगली आहे. अनेकांनी त्यांच्या या भूमिकेचं समर्थन केलं आहे. काही चाहत्यांनी तर ट्रोलर्सना योग्य उत्तर दिल्याबद्दल त्यांचं कौतुकही केलं.