Crime News : डॉक्टरसोबत 4.40 कोटींचा फ्रॉड, मनी लॉन्ड्रिंगची धमकी देऊन खाली केलं अकाऊंट

मुंबई : सध्याच्या काळात सायबर गुन्हेगारीचं प्रमाण वाढत आहे. सायबर गुन्हेगारांनी बिहारमधल्या एका प्रसिद्ध डॉक्टरला साडेचार कोटी रुपयांना गंडा घातला. विशेष म्हणजे गुन्हेगारांनी सीबीआयचे अधिकारी असल्याची बतावणी करून डॉक्टरकडून पैसे वसूल केले. सायबर पोलीस स्टेशनमध्ये या प्रकरणी एफआयआर नोंदवला असून, तपास सुरू आहे. बिहारमधल्या गयामध्ये सायबर गुन्हेगारीचं एक मोठं प्रकरण उघडकीस आलं आहे. शहरातल्या प्रसिद्ध डॉक्टरला जाळ्यात ओढून गुन्हेगारांनी त्याला 4.40 कोटी रुपयांना गंडा घातला आहे. सायबर गुन्हेगारांनी सीबीआयचे अधिकारी असल्याचं सांगून डॉक्टरला मनी लाँडरिंगच्या खोट्या गुन्ह्यात अटक करण्याची भीती दाखवून त्याच्याकडून पैसे वसूल केले. ही रक्कम डॉक्टरच्या बँक खात्यातून सहा दिवसांत (31 जुलै ते 5 ऑगस्टदरम्यान) गुन्हेगारांनी वेगवेगळ्या बँक खात्यात ट्रान्स्फर केली. याबाबत सायबर पोलीस स्टेशनमध्ये एफआयआर नोंदवून तपास सुरू करण्यात आला आहे.