Satara Crime: 'चल, साहेबांना लुटूया', 40 हजारांच्या कर्जासाठी 2 मित्रांनी रचला खतरनाक प्लॅन; घेतला कोयता आणि...

सातारा : ही गोष्ट आहे 2 चोरट्यांची. दोघेही एकाच गावातील मित्र होते. एकजण पुण्यात काम करत होता, तर दुसरा लोणंदमधील एका कंपनीत काम करत होता. मात्र, पुण्यात राहणाऱ्या मित्रावर 40 हजारांचं कर्ज होतं. ते त्याला फेडायचं होतं. त्यामुळे त्याने लोणंदमध्ये काम करणाऱ्या मित्राला फोन करून विचारलं की, "पैशांची जुळणा होईल का? कुठल्या बँकेतून कर्ज मिळेल का? अनेकांची देणी द्यायची आहेत." तर लोणंदचा मित्र म्हणाला की, "कशाला कर्ज काढतोयस. आमच्या कंपनीच्या साहेबालाच लुटूया, म्हणजे तुझं कर्ज फिटेल आणि मलाही पैसे मिळतील." या 2 मित्रांच्या डोक्यात लुटीचा कट शिजू लागला. (Satara Crime)