‘गे अ‍ॅप’वरून ओळख, रेल्वे पटरीजवळ बोलावलं अन्.., पुण्यात आणखी एका घटनेनं खळबळ

पुणे: सध्याच्या काळात ऑनलाईन गुन्ह्यांच्या प्रवाणात मोठी वाढ होत आहे. पुणे शहरात देखील गेल्या काही काळात ‘गे अ‍ॅप’च्या माध्यमातून ओळख वाढवून लुटमारीच्या घटना होत आहेत. असाच एक प्रकार पुन्हा समोर आला आहे. पिंपरीतील तरुणाला संगम पूल परिसरात बोलावून चार जणांनी बेदम मारहाण केली. तसेच त्याच्याकडील साडेनऊ हजार रुपये लुटले. याप्रकरणी बंडगार्डन पोलिस ठाण्यात गुन्हा दाखल झाला असून पोलीस अधिक तपास करीत आहेत.