गोंदिया हादरलं! लेकानेच हातोड्याने फोडलं बापाचं डोकं; दुकानात लपवला मृतदेह, कारण धक्कादायक

गोंदिया (रवी सपाटे, प्रतिनिधी) : आई-वडिलांसाठी मुलं आणि मुलांसाठी आपले पालक सगळ्यात महत्त्वाचे असतात. हे नातं प्रेमाचं, काळजीचं, आपुलकीचं आणि विश्वासाचं असतं. मात्र, कधीकधी अशा काही घटना समोर येतात, ज्या सगळ्यांनाच हादरवून सोडतात. अशीच एक घटना आता समोर आली आहे. गोंदिया जिल्ह्यातील तांडा या गावातील रामलाल कांबळे (वय 48) यांना दारू पिण्याची सवय होती. मुलांनी वारंवार समजावून सुद्धा रामलाल यांचं दारूचं व्यसन मात्र सुटत नव्हतं.