पेट्रोल मालकापेक्षा काम करणारा तरुण झाला 58 लाखांचा मालक, पंपावर केली अशी हेराफेरी!

या प्रकरणी पेट्रोल पंप मॅनेजर संतोष मॅथ्यू यांनी कर्मचाऱ्याविरुद्ध तक्रार दाखल केली. त्याने ही तक्रार मंगलोरच्या सायबर क्राइम अँड इकॉनॉमिक स्टेशनमध्ये नोंदवली आहे. पोलिसांनी या कर्मचाऱ्याला अटक केली असून, त्याची चौकशी सुरू आहे. आरोपीने 10 मार्च 2020 ते 31 जुलै 2022 या कालावधीत क्यूआर कोड बदलला होता. या कालावधीत आरोपीने सुमारे 58 लाख रुपये हडप केले.

फसवणूक करणाऱ्या आरोपीचं नाव मोहनदास असून, तो मंगलोरमधल्या बाजपे इथला रहिवासी आहे. तो गेल्या 15 वर्षांपासून एका पेट्रोल पंपावर कार्यरत होता. त्याच्याकडे पेट्रोल पंपाची बँकेशी संबंधित आर्थिक कामं आणि व्यवस्थापनाची जबाबदारी होती. मोहनदासने 10 मार्च 2020 रोजी त्याच्या अकाउंटचा क्यूआर कोड पंपावर लावला. पंपाच्या मालकाला ही गोष्ट लक्षात येताच त्याने तपास केला असता त्याला आर्थिक अफरातफर आढळली. मग त्याने पोलिसांत तक्रार दाखल केली. पोलिसांनी मोहनदासला अटक केली असून, प्रकरणाचा तपास सुरू आहे.