Virar News : बेपत्ता पेट्रोलपंप मालकाचा मृतदेह आढळला त्यांच्याच गाडीत; चालक फरार झाल्याने गूढ वाढलं

विरार, (विजय देसाई, प्रतिनिधी) : गेल्या काही दिवसा घडलेल्या गुन्हेगारीच्या घटनांमुळे महाराष्ट्र ढवळून निधाला आहे. एकीकडे महिलांच्या सुरक्षेचा प्रश्न ऐरणीवर आला आहे. तर दुसरीकडे विविध गुन्ह्यांची संख्याही वाढत चालली आहे. विरारमध्ये अशीच एक घटना समोर आली आहे. विरार पूर्वेकडील चंदनसार येथील पेट्रोलपंपाचे मालक रामचंद्र खकराणी (75) यांचा मृतदेह सोमवारी दुपारी मुंबई अहमदाबाद महामार्गावर त्यांच्याच गाडीत आढळून आला आहे. रविवार रात्रीपासून ते बेपत्ता होते. त्यांच्या चालकाने ही हत्या केली असल्याची शक्यता वर्तवण्यात येत आहे. पोलीस फरार चालकाचा शोध घेत आहेत.